دمتم خزايا ومحزونين

صدام أول العنقود...! والله أعلم مين اللي بعده!!!؟؟

يمكن انا مبحبهوش ومش ميت في دباديبه بس قتله بالطريقة المهينه دي معره لينا أكتر ما احنا متهانين.
شكله وهو متساق ذي البهيمة بكل ما تعنية الكلمة من معنى, وفي وقت يلائم المعنى ده مخصوص تصفية حساب شخصية معاه ومع المسلمين ككل" مش لأنه رمز لا سمح الله " ولكنه عامل ذي المثل اللي بيبقول اضرب المربوط يختشي السايب؟

انا كان نفسي يتشال كل المجرمين العرب واللي لسه ماسكين بإديهم وسنانهم في الكراسي - داهيه تاخدهم...يارب - بس ياريت متكونش النهايه كده !!مش شفقة لكن اعزاز لقدرنا احنا .م

بالطبع انا مش مع الدعوي اللي بتقول الإصلاح من جوه ولا من بره ؟ كنوع من التشكيك والتعطيل , بس أكيد مش احنا نضحي بعزتنا وهم يضحوا بحكامنا" " خسرانه خسرانه؟؟!!

واللي عمله القذافي على شجاعته - من ناحية المظهر يعني- لكنه مش حرقه على صدام ولكن على كرامتنا المهدرة، ربما الكلام ميعجبش البعض ويقوللك ان صدام ميستحقش رحمة ..صحيح .. بس احنا نحافظ على حبة الدم اللي باقية في وجهنا!!

المهم في الاول والآخر مسلم و حسابه دلوقتي عند ربه!! هو اسرف على نفسه وقتل كتييييير وفي الآخر هو بين ايدين اللي خلقه؟؟

كانت بتقولي ممرضه عندي وهي محروق وببتفرج على صدام" حسبي الله ونعم الوكيل فيهم" قلتلها ..." حسبي الله ونعم الوكيل فينا"!!! م

-------------------------------------------------------------------

المغرب كما عهدناها " نغمة نشاذ"!!

انا مشفتش في حياتي اختلاف بالشكل اللي احنا فيه ده ، كأننا بنقول شكل للبيع ، مش عارف بنعاند مين ولمصلحة مين؟؟
(SEX)"لتاني مرة تيجي المغرب بقيادة سلطانها المغبر " محمد الـــ

بالإحتفال بالعيد منفرداً عن سائر الأمة الإسلامية والمقصد السعودية.. طبيعي ان السعودية هي اللي تحدد الحج والعيد الكبير على اساس ان الكعبة على أرضها أما الحاصل ده يبقى استهبال, ونوع من القنعرة الكدابة ومحاولة غبية للاستقلال، وبعد كده لو شايفين نفسهم قوي كده ياريت يبنولهم كعبة ويحجولها ونخلص.
مش عارف على أية ولا لمصلحة مين؟ يعني ميكفيناش الهيصة اللي بيعملوهالنا كل عيد فطر ده يفطر وده ميفطرش وده يصوم معانا وده يفارقنا....ومش عارف امتى حيرحمنا ربنا من القرف ده

اعتراف

قالت يوما دمعة

أيقظني ذاك الباكي ورماني كي أطفأ غله

إذ لاحت مني النظرات

أطفالاً تطلق من فرط الجوع صياحاً

ونباحاً لكلاب ٍ تتصارع حرة

ونساءاً بسوا د

يلفح وجه النار فيهن سهام...

تساءل عمن يقتل صاحبها؟

ولمذا تسبى غيلة ؟

ولمذا يصبح محبسها

.. لمن يقتله سبيلاً ؟

شهقت شهقة ..

صاح الباكي

قال : كفاك

...انت اليوم ضيف بلادي..

زفرت زفرة

التف العسكر حول الدار

صاحوا في طلب الدمع

.... أن يخرج مرفوع الأذراع

سألوا عمن منذ قليل زفرت

إذا أن الحاجب يستدعيها

كي يسأل عن سر زيارتها

ولمذا تعلو الزفرة من فيها

يرفع الله العلم بقبض العلماء

أخر مصيبة بلانا الله بها

وفاة مفتي العصر بلا منازع الشيخ عطية صقر....

الله يرحمنا ويرحمة

دايما افتكر ..حديث الرسول علية أفضل الصلاة والسلام....

يرفع الله العلم بقبض العلماء.....

إعلانات مؤنسة

مش أكتر حاجة بتجنني اني أفتح الإميل ولاقي رسايل اعلانات.....

استنى شوية أنا مبكرهش الاعلانات ، بس اللي بكرهه ان كل الرسايل بتاعتهم تيجي باسماء بنات لأن ده منتهى التحرش الجنسي ونوع من التفكير الرخيص

عشان كده انا رديت على أحد هذه الرسايل بموشح وفهمته انه كده بيشتمني

تخيلوا كان رده أيه؟؟

طبعاً رد هاديء ومحترم..

إذا كنت ترغب في التوقف عن استلام إعلاناتنا يمكنك ارسال رد على هذا الإيميل وسيتم حذف اسمك من قائمة خدماتنا ... شكراً

نفسي الكل يرد على الرسايل دي بنفس الطريقة عشان يبطلوا يفكروا ب..... " على رأي واحده زميلتنا".م

انا النهارده كنت معدي وشوفت بلوج " مذكرات مريض نفسي" وعجبتني جداً فيه قصة قصيرة أو هو قد يسميها اعترافات أو أيا ماتكن اسمها " كراسة طفل" أنصح بقراءتها وخاصة مع الخلفية الموسيقية

nicos 2

عشان تعيش نفس تجربتي ... خالد حسسني انه عاش فعلا الحكاية دي مش عارف

بس الموسيقى هنا موفقة للغاية

بث في شجون كتيره كنت محتاجها...

recommended اللنك ده للي يحب يشوفها على فكرة دي

http://abdallah-saikoman.blogspot.com/

هموت من الغيظ

ده أقول عليه أيه ياربي
لما شفت البوست ده مقدرتش أمنع نفسي من الغيظ و الوكسه الي عيشين و شكلنا هنموت فيها

ده نص بوست لقيته على الشبكه " المشكله أنه من واحد مش مع الحكومة أصلاً :

نقول ونحكى من تانى مش عارف حاسس ان الحكومه شامه نفسها على الناس حبتينيمكن علشان طلعت السادات اتاخد فى قصه كده اى كلام واصل القصه فى عز بتاع الحديديمكن علشان عبد الكريميمكن علشان ملاحظ عمليات الاعتقالات والتحليق واختفاء المظاهرات النسبييمكن علشان الهجوم المكثف من خلال النت على المدوناتمش عارفلكن هو شعور بهجوم شديد من الحكومه على كل من اتكلم عنها وقت ما كانت ما تقدرش تعمل حاجهطبعا الحكومه شويه ليها حق فاللى بيتعمل فيها بيضعفها يوم ورا يومواحساس المواطن ان البلد بقت زي الغابه مالهاش كبيروامتدت ايدى اللصوص الى قضبان السكك الحديد وكبلات الضغط العالى وكبلات التليفونات المركزيهمما يعزز من احساس المواطن بضعف الحكومهوطبعا ده بيخلى اصحاب النفوس الضعيفه باستغلال الموقف سواء داخل الحكومه نفسها او داخل البلد او خارجهافطبعا الحكومه عايزه تستعيد هيبتها فبقت بقه بتاخد عاطل فى باطل.. علشان ترجع زى الاول لكن المشكله ان الناس فهمت ده انه حلاوه الروحطبعا كلنا بنحب بلدنا وبنخاف عليها ويهمنا ان الحكومه يكون ليها هيبتها لحمايه المواطنين مش العكس وطبعا انا مش مع كتير من المدونين اللى يحبو يلاقو جنازه ويشبعو فيها لطم
وبجد انا ابتديت اخاف على البلد
لان الحكومه لو ما استعادتش هيبتها بذكاء هاتكون فوضى وبجد فيه ناس همج كتير نفسهم اى خرم ابره بس ويعيثو فيه فساديا رب استر

وحقيقة لما اتغظت رديت عليه الرد ده :
هو ده اعتبره أيه بالظبط
يعني مش فاهم يعني ولا .....م
أظاهر إنك شارب حجاجة صفرا
بس ان الشعب الهمجي اللي بيخلع قضبان السكك ده مش من الحكومة اللي قلت هيبتها ده لأن الجوع كسر كل قضبان معدته وبقى داير ياكل أي حاجة في وشه...." مش تقللي هيبه ومعرفش أيه؟؟"
انت أكيد بتهزر
هيبة أيه ولا خيبة أيه جتك وجاتنا مليون وكسه
الحكومه محتاجه أيه تاني تدبح الباقي عشان يعجبك ولا تديها أغتصاب بالجملة وتخليها حملة منظمه على كل البنات بالدور والولاد كمان عشان محدش يبجح بعد كده
اللي عمل كده في الناس الظلم والجوع والمرض والقرف اللي على راسنا كلنا مش الالستين خيبة اللي اسمها "هيبة" ..م
أيه النيلة دي اللي احنا فيها ياربي

حد ياربي لسه بيفكر كده

الحابل بالنابل

هم تلت مواضيع كده على السريع

أولاً : سفير مصر للثقافة وتقريب وجهات النظر العربية المصرية الأمريكية لدى الولايات المتحدة.....منصب عظيم واحد طلعوا على نفسه وقال أنه سعيد بتقديم الدور ده....... يطلع مين....."سعد الصغير" وده طبعاً على هامش فعاليات مؤتمر الرقص الشرقي والغناء الأوبرالي الذي يقيمه النجم السالف ذكره في رحلته الكوكبية التي تنتهي في المريخ لتقريب وجهات نظر أهل الأرض مع " يوفو يوفو يوكافو " في المريخ و - يوفو يوفو يوكافو ..دي للميعرفش ..هي هي العنب العنب العنب بس باللغة اليوفية - وسلملي على الثقافة.م

ثانياً : المفتي الثقافي المصري " الشيخ العلامة فاروق حسني" في آخر كتبه " الهرطقات العنبرية في معرفة الملوخية" أعلن أن الحجاب ردة حضارية وإن كل الشيوخ المنافسين ميطلعوش في زمته بثلاثة مليم.. والنبي دي زمته مطاطه بشكل...

بس انا نفسي أعرف وزير في بلد مسلم بيتكلم ويهرطق طوال سنين واحنا مازلنا سايبينه ليه؟ .. كفايه ياحجه !! أرحمينا ياماما.. ولا أعمل ذي المسرحية وقول " انت ماما وانت بابا .. بس طبعاً مش ذي أنور وجد " م

ثالثا: قصة افتكرتها زمان عن جماعة من الناس كانوا عايشين في هدوء وبعدين كانت بتهجم عليهم الديابه فراحوا جابوا كلاب مستأنسه حولين القرية بتاعتهم تحميهم وفعلا حمتهم بس لما كبرت البلد وكترت الديابة وبقت الناس تتنازل للكلاب دي عن كل حاجة ولو حتى آخر لقمه في البيت عشان تحميهم.... راحت الكلاب اتسعرت لما تأخروا يوم الناس في الأكل أصل الناس فقرت من كتر مسابت كل حاجه للكلاب وبعدين الكلاب بدأت تهاجم الأهالي و البيوت عشان الأكل حتى لو كان للصغار وبعدين اتسلت على الناس نفسهم وبعدين استعبدتهم ولما لقيت أن الديابه ممكن تديهم أكل أو تعرف تلاقيلهم الأكل اللي مخبينهم أهل البلد .. تصوروا توحدت الكلاب بالديابة وبقى كله ديابه وبقت البلد في ادين الديابه أكتر مما كانت علية من غير كلاب..

كل ما افتكر الحكاية دي أفتكر اللي احنا فيه....حد شايف شبه؟؟

في وقت عز فيه الرجال

هو لي دايما وقت الجد يعز الرجال في بلدنا ولما يقعدوا على الدكة وكل واحد يتنفخ ويقول أنا راجل

قدام مراته يلطش فيها وياكل نصيبها في الورث وبعد كده يزقها على أوضة النوم بحجة قال أيه " أنا راجل .."م

ياكل حقا اخته ولا يرضى يلمس حاجه في البيت ويقلها انت ست تكنسي وتمسحي أما انا رب البيت أنا...راجل

أما بقى لما يخدك ضابط الشرطة قلمين في الصبح من غير متفتح بقك بكلمة غير معلش ياباشا .." عز الرجال.."م

لما رئيسك في العمل "يركبك في الشغل" ويظلمك وتسكت وتضحكله عشان أمورك تعدي.؟..يبقى " عز الرجال" م

لما أمك و أبوك وانت نازل الصبح من البيت يقلك نتهلضمش كتير بره ولو قاللك استاذك أو الدكتور بتاعك أو ضابط الشرطة الشمس بتشرق من الغرب قله تمام ياباشا .. يبقى " عز الرجال"م

لما تروح توقف في صف طويل والكل بياخد من حواليك للباشا العقيد والسيد عضو مجلس الشعب ..وانت ساكت... يبقى عز الرجال.."م

لما تنتهك حرمة البنات على مسمع منك في وسط البلد وكل حته يبقى...." عز الرجال"م

لماتغتصب المسلمات وتنتهك الأعراض على شاشات التلفاز كل يوم يبقى ... " عز الرجال.."م

هو احنا الرجوله دي عندينا أيه على حسب الظروف ولا أيه؟؟

ووسط ده كله الدنيا فين ماشيا..

بتوع الحكومه.....يقولولك أيه...

تبذل مصر جهوداً حثيثه لإستقبال الضحايا..... ههأوأو...ياخي خليكي "حسيسه " واسكتوا

أما السلفيين... فالحيين يقولوا " والله لو ارتفعت للسنيين رايه لرأى الله والعلم ما يفعلون" ... ياترى مستنيين أيه تاني يتعمل عشان الراية دي ترتفع ولا هتسبوا ربنا مستني كتير..." ربنا مش هيسناكم كتير ... هو بيمهل مش هيهملكوا أبداً"م

ولا الأخوان شغالين يجمعوا الناس طوال الحملة الإنتخابية على القدس ولا الحجاب ولا الصلاه ولا الطهاره ..... هيه... وبعدين؟؟ مفيش كلام مرة في المليان من خطب من فضلكوا.....ولا برضه هنتمصمص ونقول ..." عز الرجال" وندعو يارب اخرج لنا رجلا مثل صلاح الدين!! هما مش انتم اللي قلتوا " ان تنصروا الله ينصركم .." ولا برضه دا كلام

اللي حرقني اكتر في التلفزيون جايبن أغاني بقى وطنيه بالهبل عشان اللي حصل ويقلك فيها " هاني شاكر " في طقطوقة ولا مواقف و طرائف هنيدي " مليون صلاح الدين على باب القدس.." فين بس المليون دول؟؟... والله مشايف ربع واحد

وبعدين مفيش غير صلاح الدين .. مش عاوزين صلاح الدين ...؟

هو أيه ..؟؟؟؟....خلاص عقرت النساء أن تلد واحد بس عند دم..مش ميه

فعلا على رأي الفلسطينية اللي كانت بتصرخ ... الله أكبر عليكو..

قرفتونا

مدونات ورقية مطبوعة!!

على فكرة أنا بفكر لو نجمع كل إنتاج المدونات بشكل اسبوعي وتصدر بذلك جريدة أسبوعية أو شهرية مطبوعة

أعتقد ده ممكن يوصل أفكارنا لقطع أكبر ويربطنا بالمجتمع بشكل أكيد أكبر.

ياريت كل واحد مؤيد لرأيي يبلغني....

وممكن نسميها مثلاً.." المدونة" أو مدونات اسبوعية مثلاً....

هل نحن مواطنون..................أم عبيد الثورة؟

مازالت تواجهنا الثورة بوجهها القبيح...
تلك الفترة التي في أعراف الدنيا ،هي فترة تحول، يشوبها الكثير من العصف المؤقت في أثناء الانقلاب السياسي والثقافي والمجتمعي التابع له!!! ثم تهدأ الدنيا ويتحول المجتمع لنظام المؤسسات .
لكن على عكس أعراف الدنيا تستمر الثورة لدينا لأكثر من خمسينا عاماً وتقول هل من مزيد!! إن المرء ليحق له أن يسأل على من قامت الثورة فعلاً ولصالح من؟!!
مازلنا حتى الآن نحكم بالأحكام العرفية !
مازالت كافة الهيئات تركة خاصة للمسئولين العسكريين!!
مازالت الدنيا تدور في فلكهم الخاص وحدة!!!
من الآخر " عزبة اللي خلفوهم"!!
.....
..................
من اليوم اللي قريت خبر محاكمة طلعت السادات في محاكمة عسكرية، تمخضت عن حبس سنة " وقال أيه ؟ مع الشغل؟؟!!!" .بقى ياولاد الأيه؟ تشيلوا عنه الحصانه يوم الجمعه؟!! وقال أيه تذاع بدري بدري!
دا عشان نزح زح واحد من كرسي لكرسي لازم موافقة ثلثي أعضاء المجلس وفي جلسة خاصة استثنائية ؟
هو سؤال بريء ، إحنا مواطنين مدنيين أم عبيد الجيش؟

اللي أعرفه في كل مواثيق الكون في حال ، اختلاف أحد المدنيين مع الجيش كأفراد أ كهيئة تتبع الدولة، فأنه من الطبيعي أن يتم التحاكم لدى هيئة حيادية لا تتبع لأي من الطرفين ، بل على العكس هيئة من المفترض أن يتبع لها الجميع لا أن تتبع هي بجلالة قدرها لأي سلطة أو هيئة كانت.
لذا من المفترض أن تتم المحاكمة في إطار محكمة مدنية، يمثل فيها المواطن بهيئة دفاع ، ويمثل الجيش بممثل منه تقوم أساس دفاعه على قوانين الدولة المدنية والتي تنظم علاقة المواطنين بأي من هيئات الدولة على السواء..لا أن تتم في محكمة عسكرية وبقوانين عسكرية خاصة لا تخضع لرقابة وغير قابلة لاستئناف أو مراجعة.
وللميعرفش انه من حق المحاكمة العسكرية أن تصدر أحكاماً من القوة والصرامة تصل إلى الإعدام؟ وما أن ينتهي القاضي"القائد" العسكري من نطق الحكم ، من حق ضابط الإدعاء- أبو دبورة - أن يرديه قتيلاً بالرصاص !! دون مناقشة أو مراجعة أو وازع من أي شيء على الإطلاق! وسلم لي على حقوق الحيوان!!
وده طبعا يوضح الفكرة الراسخة في أمخاخ المسئولين لدينا، إن البلد ماهي إلا وحدة عسكرية ، لها قائد مطاع مولى من السماء قراراته نافذة على الرقاب ولا راد لأمره ولا معقب لحكمه ، لذا فهي مازالت تخضع لأحكام الطوارئ...
كافة بلاد الأرض تتهم الدول التي مازالت لديها محاكم عسكرية ومحاكم أمن دولة بالدول المتخلفة – يعني مش كفاية اللي إحنا فيه أصلاً!!
دول الاتحاد الأوروبي كانت تشترط لمجرد مناقشة ضم تركيا لها أن تقوم بحل تلك المحاكم.
وقد يجدي لو أسمعت حيا ولكن لا حياة لمن تنادي.!

هاجرت إلى ربها فهجرها الناس

الواحد بيشعر دائما بالقرف طول ما هوة عايش في البلد دي......
لي واحد معرفة ربنا كرمه ، واتجوز واحدة أسلمت حديثاً ، الكلام ده من حوالي عشرين سنه أو أكثر قليلاً ، لن أتحدث طبعاً عن كم المعاناة التي عاشاه والانتقالات بحثاً عن الهدوء والبعد عن الملاحقات والمضايقات ، المؤسف حقاٌ ما سمعته مؤخراً ، انه يعاني الأمرين من المشكلات التي تنهال فوق رأسه هو وزوجته ، والمدهش أنها الآن من الجماهير المسلمة التي صفقت كثيراً لإسلام سهير قسطنطين ، واحمرت وجوههم من الغضب حين أعادتها الدولة للكنيسة قسراً لتجنب المشكلة وتتحرق هي بجاز وسخ !! أيه اللي خلاها تأسلم وتوجع دماغهم!!.
هم هم أنفسهم اللي انهالوا على أبناء تلك الأم بالسخرية والتريقة" ياللي خالك بطرس ..هيهيهيهيهييي!!" سماجة طبعاً .
هم هم أنفسهم من فسخوا خطوبتهم ببنتها حين عرفوا بالأمر!!!.
هم هم أنفسهم من سألوا ابنها بمنتهى الصفاقة في امتحان الهيئة للقبول بكلية الشرطة "أنت خالك اسمه أيه ؟؟" بينما يدافع الضابط ابتسامة تحاول أن تجد طريقها إلى فمه!!! وطبعاً سقط لأن خاله أسمه بطرس!!!.
هم هم أنفسهم الذين يمصمصن الشفاه عندما تتحدث تلك التعيسة عن الدين في حضرة المخضرمات في الدين والتي أقسم بالله أن مخ الواحدة منهن أجهل من دابة!! أنه لتجهل الواحدة منهم كيف تتطهر أو تصلي أو حتى تقرأ القرآن....
الواحدة منهن التي لا ملجأ لها إلا العرافات وحبتين الدجل والجهل المدقع الذي يغرقن فيه حتى أذنيهن ويحسبن أنهن على شيء...نفس الأنفس المريضة!!!
ياريت يا خلق خلوا بطرس لبطرس وسيبوا فاطمة لله !!!
حقاً لا كرامة لنبي في قومه ولا تقي في أرضه!!!!!!!!!

أسوء عشر شخصيات في التاريخ الإسلامي"

ربما لعلمي بالخط العلماني لجريدة الغد والذي يناقش الشخصيات الإسلامية بمنأى عن أي احترام لمكانتهم في التاريخ الإسلامي لم يدفعني العنوان لكثير من الاندهاش , لكن الغريب واللافت حقاً أن تكون أسوء عشر شخصيات في التاريخ الإسلامي أغلبها – ويالا محاسن الصدف- من العشرة المبشرين بالجنة....بداية من السيدة عائشة...مرورا بالصحابة كل حسب قدرة ومكانته....لم يذكر في تلك العشرة في التاريخ الإسلامي : أمثال خلفاء الذين لم يفيقوا من السكر إلا على النساء بينما ترزح أممهم تحت ذل الفقر والظلم بأيدي الولاة الجباة والوزراء... ولا الخلفاء اللذين انشغلوا بقطع رقاب بعضهم البعض قتالاً على الخلافة وليست حادثة الأمين والمأمون الذي شغل الأمة بأسرها بفكرة أراد أن يسوق الناس والعلماء لها سوقاً كالبهائم.لم يذكر في ذلك التاريخ من الخلفاء و الولاه الذين تخابروا سرا مع التتار والصليبيين و يسروا لهم دخول بلاد الإسلام و أسالوا دماء المسلمين أنهاراً وقضوا على أذهى حضارات الأرض قاطبةً.لم يذكر في ذلك التاريخ أي من الخلفاء الذي حرموا الخيار والملوخية وأمروا بفتح الحوانيت ليلاً وإغلاقها نهارا وأتوا بأبشع الجرائم في التارخ الإسلاميلم يذكر فيي ذلك التاريخ أصحاب الجلالة والفخامة والسمو ملوك ورؤساء بلادنا الغربية المتعربة التي ترزخون تحت سياطها ممن فسدوا وأفسدوا ووضعونا في أخزى فترات التاريخ الإسلامي من منشأة حتى الآن مرورا بأسوأ مراحلة.لم يذكر في ذلك التاريخ أي من ذلك وذكر فقط تلك الفترة و أصحاب النبي "صلى الله عليه وسلم ".ثم من تجمع !!؟ " أم المؤمنين عائشة و.........................الحجاج" !!! لا تعليق!!

هتعيشوا جهلا وتموتوا جهلا !!

وصلتني النهاردة الرسالة دي :

Ok guys, this truly is freaky, the phone literally rang as soon as I read the last word of this email!!!!!

I am taking the bait -AGAIN!
what do I have to lose right?

Hope it works!

Supposedly The Phone Will Ring
Right After You Do This.

Just read the little stories and
think of a wish as you scroll all
the way to the bottom. There is
a message there - then make your
wish.

No attachment on this one.

Stories

I'm 13 years old, and I wished!
that my dad would come home from
the army, because he'd been having
problems with his heart and right
leg. It was2:53 p .m. When I made
my wish. At 3:07 pm. (14 minutes
later), the doorbell rang, and
there my Dad was, luggage and all!!

I'm Katie and I'm 20 and I've been
having trouble i n my job and on the
verge of quitting. I made a simple
wish that my boss would get a new
job. That was at 1:35 and at 2:55
there was an announcement that he
was promoted and was leaving for
another city. Believe me...this
really works!!!

My name is Ann and I am 45 years
of age. I had always been single
and had been hoping to get into a
nice, loving relationship for many
years. While kind of daydreaming
(and right after receiving this email)
I wished that a quality person would
finally come into my life. That was at
9:10 AM on a Tuesday. At 9:55 AM
a FedEx delivery man came into my
office.He was cute, polite and
could not stop smiling at me. He
started coming back almost everyday <>(even without packages) and asked me
out a week later . We married 6
months later and now have been
happily married for 2! years.
What a great email it was!!

Just scroll down to the end, but
while you do, think of a wish.
Make your wish when you have completed
scrolling. Whatever age you are, is the
number of minutes it will take for your
wish to come true. ex.you are 25 years
old, it will take 25 minutes for your wish
to come true).

However, if you don't send this to
people in 5 minutes, you will have bad
luck for years!!
Go for it!!!
*
*
*
*
STOP!!!
Congratulations!!! Your wish will
now come true in your age minutes.
Now follow this carefully....it
can be very rewarding!!!!
If you send this to 10 more
people, other than the 5 that you
already have to send to, something
major that you've been wanting
will happen.
Message: This is scary!
The phone will ring right after
you do this!

بتفكرني بالمنشوات اللي بيوزعوها بعض صلاة الجمعة , وقال أنشرها 20 مرة تنجح في حياتك و تجارتك تربح ولو معملتش يبقى وقعتك طين " وكاتبنلي فيها كلام فاضي من نوعية مين شاف مين في المنام واللي شاف الرسول"عليه أفضل الصلاة والسلام" واللي شاف السيدة زينب وغيره من الهرطقات

دايما عندينا من الاطهاد العاطفي والترهيب بتلك الوسائل لحد من عيش ونموت في جهل مدقع ياريت ترحمونا..

من كام يوم وقع في إيدي كتاب لشيخ صوفي مجمع فيه شوية أدعية وقال أيه اللهم اجعله خير...... قال اللي "من وجد في بيته هذا الكتاب لمدة أربعين يوم وما يقرهوش ...حوش يا حواش يتخرب بيته ...."

يا سيدي الله يخرب بيت اللي يقول كده

وعشان العند رميت تحت السرير رغم فضولي في الأول عشان أعرف كان أية هرطقة مكتوبة فيه...

لكن لما لقيت الهرطقة دي مترجمة ..دات يبقى عدوى ولا أيه

ياناس أتلهو وعمولولكم حاجة تنفع بدل الجهل اللله يهدكم..!!

ثورة

حين يعاف قميصك أن تغلق أزراره
أويرفض أن يُحْزَمَ جنباه
فتحرر..
لا تترك زراً يقهرك
أو حبلاً يخنق صوتاً يتعلم أن يكسر كل إطار
لا يكفي ان تنزع زراً
انزع عنك الازرار .
.كل الأزرار
انزع كسرك/يأسك..
والأمل الراكع باستحقار
انزع حتى رباطة جأشك
انزع معها كل الأستار
انزع صمتاً لايسكن ...
بركاناً يتفجر في قلب بحار
أطلق منك ...لسانك /سيفك
يقتص من الجاني
ومن المجني
ومن القاضي والشاهد رغم الأعذار
إن يجبن سيفك فاقطعه
أبدله ببوقٍ...مخلوقٍ من جذوة نار
ثم أصرخ جلي
صوتك سوف يدوي
لن يمنع قطع لسانك صوتك
فالحق بذاته
يأبى الأستار
أحضر سكيناً وتدلى من حافة دار
ثم أنظر
هل يظهر خوفك...؟؟
إن كُشف الستر...
فاقطع رسغك وتباهى..
فسقوطك عين الإكبار
انزع قلباً الف الرعدة دوما
ً قلباً قبل مطيعاً عيش الذل
انزع وبغل
لايأخذك حنين..
ففؤادك قد مات
مذ أحنى للجبن المنخار
أوجز... لا تحفظ للجسد ستار

رحلات جليفر المصري 2

ملائكة رحمة أم ملائكة عذاب؟

ربما يؤمن بعضنا بالطب ورسالته السامية، ربما نحترم بعض الرموز وربما نقدس بعض المبادئ، لكننا في الحقيقة وللأسف عندما نصطدم بالواقع، ونواجه الحياة نكون وحوشا حقيقيين لا مراء في ذلك.
(1)
قاربت الساعة على السادسة مساء عندما كنت أجتاز طرقات المستشفى لتحضير الحالة، بدأت أراجع الطريقة المثلى للتعامل مع المرضى وكذلك تنبيهات الطبيب:
1- اطلب للمريض شاي، بس ما تشربش معاه.
2- ادي للمريض فلوس يشرب سجاير، بس ماتشربش معاه.
عندما اقتربت من القسم نصبت قامتي وتحركت بطريقة عسكرية، سألت عن اسم المريض ثم اتجهت إلى العنابر بحثا عن ضالتي، سألت عنه فأشار لي أحد المرضى إلى رجل في الثلاثينات من عمره يصلي في منتصف طرقة المستشفى، حقيقة.. فكرت في الصلاة خلفه حتى لا أفوت المغرب ولكن طبقا للقوانين:
1- لا تجعل المريض إماما لك.
2- لا يحق للطبيب الصلاة كالعامة في الطرقات.
لذلك انتظرت حتى فرغ من صلاته ثم اتجهت نحوه "ازيك يا حج جبريل" قطب حاجبيه وصغر لي بعينيه "نعم يا سيدي؟!" لم تبد لي إجابته مريحة، لذلك حاولت صنع جو من المرح "ايه يا عم؟! ايه اللي تاعبك؟" استنكر سؤالي ثم اندفع قائلا:"طين وزفت وعيشة قرف...ادي اللي تاعبني" هنا فقط علمت أني أمر باختبار صعب. عندما بدأ الحوار يحتد بيننا قاطعنا زميلي الذي حاول أن يلاطف المريض ولكن دون جدوى، فجأة قاطعنا صراخ أحد المرضى من شدة الإعياء ثم وقع من طوله....( طبعا صنع ذلك جوا من المرح والإثارة) هدأ كثيرا من غضب المريض، عاود زميلي سؤال المريض مرة أخرى الذي أجاب باقتضاب أحيانا وبسباب أحيانا أخرى، تظاهرت أنا بتفحص بعض أوراق التحاليل والأشعات، فجأة انفجر في لعن القسم الذي لبث فيه أكثر من 15 يوما، ثم حوله لقسم آخر الذي مكث فيه مدة مساوية "وكله تحت خدمة الطلبة".
(للعلم: المريض أجري وحاليا لا يعمل ولديه عقم وفتاق إربي)
حاول صديقي أن يطمئنه بأن الموضوع كلمتين وفحص صغير ونمشي، فاجأنا المريض بالوقوف على السرير ورفع الجلباب ووقف عاريا وسط العنبر "هو ده اللي حصل والله" ..تجمدنا أنا وزميلي من المنظر ثم سارعنا بجذبه ولقحنا الجلباب عليه..وتابع سبه للطلبة الذين جعلوه حقلا للتجارب..سعادته قال كمان إن الطلبة دول لما الواحد ربنا يفتح عليه ويفتح عيادة ما يعالجش كلب فيهم (طبعا احنا مش بيطري يا حاج) ويخلي كشفه بـ 50 جنيه (دمه خفيف الحج جبريل..الخمسين جنيه تعمل ايه اليومين دول) تركته أنا وزميلي بعد فحص سريع، وفي الصباح الباكر حاولت إكمال الشيت: اسمه وشغلته ..رفض تماما.
*حقائق:
1- أثرت الطبيب عليه مما دفعه لسباب المريض وطرده (أحسن!!) ولم يخل عامل الفصول من بعض السباب.
2- كنت في غاية الوحشية والدهاء ولكن المهم أن هناك دائما صيدا (لم أرغب أن يكون أنا).
(2)
حكى لي أحد طلبة السنة النهائية أن عاملا في الستينات من عمره يعاني من فتاق إربي، كان ذلك بالطبع صيدا ثمينا للطلبة فمريض فقير ضعيف كبير السن لن يرفض أشياء كثيرة (يا بختكم يا بتوع ساتة) لذا مال أحدهم على الطبيب وقال بخبث والشرر بيطق من عينيه:
" احنا ما عملناش PR خالص يا دكتور
اتسعت ابتسامة الطبيب وقال لبقية التشكيل العصابي:
"وماله يا ولاد... مش عيب برضه..يللا بينا..هجوووووووم !"
أولا داعب المريض (عشان يخدره..هو ده التخدير الموضعي) وأعلمه بالأمر رفض المريض وحاول الإفلات (فاكر ان دخول الحمام زي خروجه) حلف الطبيب بكافة أيمان المسلمين (والمسيحيين لزوم الوحدة الوطنية) أنه سيجعل جميع الطلبة يـ.......... (انتوا فاهمين طبعا..) واحد واحد .... وتعالت صيحات المريض من الألم مع كل يد. وهكذا تم اغتصاب البائس الذي خرج من غرفة الفصول وهو يباعد بين قدميه (كالطفل المطاهر حديثا) وتابعه الطلبة بضحكات ونظرات ظافرة.(3)أثناء أحد الروندات التي يخبرنا فيها الطبيب بكيفية التعرف على تضخم الكبد في مريض من السبعينات من عمره (مريض لقطة..لا فيه حيل يزعق ولا حتى فيه سنان يتكلم) يعاني من هزال شديد يهتز مع أنفاس زميلي. قام أحد زملائنا في ظفر وشماتة وقد ظفر بفريسة..تابعه الطبيب بترقب ثم فجأة قاطعه.." بالراحة"..(بالراحة ليه ما قلنا ما فهوش حيل يزعق) ابتسم الزميل وأخذت يده تجول في بطن المريض.. وتعالى الصراخ.

حكايا جليفر المصري1

عسكر في المعسكر

في إطار حرص الكلية على بعث القوافل الطبية القرى النائية فقد أتحفتنا بتلك الأخيرة إلى "أولاد الجبل".........طالعنا لأول وهله مبنى كبير يفترش الرمال وفى أحضان الجبل .(1)غرفة العمليات :إمكانيات جبارة هو الانطباع الأول الذي يصلك من جرد النظر: غرفة مجهزة بأحدث الإمكانيات:1-دكه خشب اسطنبـــولى.2-لمضـــه عويل (5 حصان).3-خرطوم عربة كسح لسحب الدماء المتكونة أثناء الجراحات الضخمة.4-شبت قطن طبي مفتخر (لسه مقطوف من الغيط).5-5شبابيك على الشارع للتهوية تحس منهم انك في الشارع.6-فرن شمسي

(auto clave)

.يعمل بقوة القش والجاز.أحدث عملية تمت فيها لطبيب مفتح حول واد لبت وهو بيعمل عملية طهارة .(2)صيدلية المستور :كثرت الشائعات التي حامت حولها لذا بعثنا مراسلنا لتنقل لنا الكاميرا الموقف عن قرب لنتعرف على الحقيقة. المنظر يندى له الجبين ألوف البشر تتصارع للحصول على شرائط أدوية بدا واضحاً أنها نفذت ولم يجد زملائنا سوى الجلوس بنفاد صبر.أرسل لي أحدهم وطلب إخفاء اسمه ( لدواعي أمنية) واندفع يحدثنى بحرقة عن المأساة التي تعيشها الصيدلية فقد لاحظ مراراً أدوية هامة_ المرضى في أمس الحاجة_ في جيوب العمال وغيرهم هذا إن لم يحملوا كراتين الدواء جهاراً نهاراً ..وحدث ولا حرج.بعد أن شكرته أرسلت أحد مراسلينا لإيضاح أغوار تلك الأمور...تنكر في زي أحد الطلبة ودخل الصيدلية وهاك الجدول اليومي لها الســـاعة العاشرة والنصف صباحاً :فتح الصيدليةالســـاعة( 11 ) إلا ربـــــــع :تشارف الصيدلية على النفاذ رغم يقين مراسلنا من وجود آلآف الشرائط منها منذ ثواني استطاع بعد ذلك بعيونه المدربة رؤية مئات منها في جيوب العمال والسائقينالســـاعة( 11 ) تماماً :نفذت الصيدلية تماماً من الدواء رغم دهشة من بالداخل _من الزملاء_وحيرة من بالخارج من المرضى أظلمت الدنيا في عيني مراسلنا ولإثبات طهارة المعسكر توجه عميلنا إلى (....)فدار الحوار التالي :العميل :يا (....)العمال و السائقين بيسر قوا الــــدواء(......) :أنت عملت البحث بتاعكالعميل :طيب غور وكمله وابقى تعالى اتكلم .لم نيأس بسرعة وانتظرنا اجتماع المعسكر خبأنا كاميراتنا بين جذوع النخل وأوراق الصبار المتناثر حولنا وتابعنا بترقب:كنا قد أعددنا جيشاً من المتحدثين ليثيروا عاصفة من الانتقادات على سير المعسكر تعالى فيها الهتاف ولكن طبعاً لم يعجب ذلك الكثير و ولسبب غير مبرر انضم الجنس الآخر لهم وقامت أحد المتحدثات تعدد الفوائد الوهمية لتلك الزيارة وأنشدت :ممــــــتاز يا حبيبي ممـــتاز ........ حتى لو حطيت في زوري قزازلو حطتني في حله أو بتجاز ...........ممـــــتاز يا حبيبـــــي ممــــــتاز ويبدو أن الزميلة نسيت أو تناسيت آلام هؤلاء البؤساء.

(3) العيادات:* عيادة الجراحة:لم تكن بطبيعة الحال أفضل من غيرها، فلم يتوافر بتلك العيادة سوى زجاجة صدئة بها قليل من صبغة اليود التي كانت تطفو على سطحها قطن محروق أو حاجة غريبة، والتطهير بها في غاية السهولة: كب منها أي كمية على الراجل، يتطهر على طول والدكتور يقوله: تقدر تروح يا حاج ! من غير بقى لا قطن ولا شاش ولا الحاجات الغريبة دي (احنا قلنا قبل كده ان غيط القطن مخصص لفرفة العمليات)* عيادة النسا:للحق، شهدت نشاطا على عكس غيرها وإن كان هذا النشاط يقتصر على الساعات الأولى فقط، وقد روى لنا أحد الزملاء أنه بعد فترة من جلوسه بجوار الطبيب خلع عليه الطبيب ثوبه، وخلع هوّ...أعطى له روشتتان وقال: دي للحوامل، ودي للباقي...واتصرف انت !!* عيادة الجلدية:حقيقة، أقف احتراما لهذه العيادة والتي أشيد حقا بجهودها وذلك لأن أهل القرية البؤساء يعانون من أكثر أمراض العصر عنفا لدرجة أن أسرة كاملة من 10 أفراد تعاني جميعها من الجرب !!*عيادتي الرمد والأنف والأذن:كانت تختلف على حسب الطبيب القائم عليها لكن بالطبع المشكلة الأولى والأخيرة: لا فيه تورش(كشاف يعني) فوق ولا قطرات في الصيدلية تحت، أنا كنت دايما بسأل نفسي : عملوا ليه العيادة من الأساس؟!*عيادات الباطنة وغيرها التي كانت تعاني من قلة الإمكانيات التي جعلت الأطباء خاصتها يظنون أنها دعابة حقيقة: 1-لم يكن على لسان المرضى سوى:حسبي الله ونعم الوكيل2-المرضى هناك في غاية الطيبة، بيدعوا لناس ما يستاهلوش !!(4) داخل البيوت:أما أثناء حركتنا داخل البيوت، فقد حفلت بالعديد من النوادر ....1-في قرية العزبة: التف حولي الأهالي في شيء من الغضب، بينما شرع الباقون خاصة النساء في الخروج من المنازل في حركات هستيرية حادة دعتني لأن أهم بالفرار لولا أن استوقفني الناس اللي حواليه وأخبروني أن زوجاتهم ظنوا أن الزميلات هم بنات من العراق شاء القدر أن نقوم نحن بتوزيعهم على رجال القرية كل على حسب عدد زوجاته (يكمل 4 يعني)..ياريت ونخلص! 2-دق أحد زملائنا باب أحد أفراد القرية فاجأه رب الأسرة بقوله: ماعندناش حمام، ورينا همتك وركب !!3-أما عن إبداعات الزملاء في ملء الاستمارات فحدث ولا حرج...الزميل (س): فلان الفلاني أعزب ويوافق على تنظيم الأسرة ويستعمل اللولب !!الزميل (أ): فلان الفلاني ليس لديه كهرباء ولديه ثلاجة وتلفزيون !الزميل (ع): فلان الفلاني أعزب ولديه ثلاث أبناء...أستغفر الله!حقيقة:سيبك من كل التريقة والهزار...خلوا عندكم دم يا عالم إذا ما كناش هنعمل اللي علينا من منظور طبيب بيعالج يبقى على الأقل نتعامل مع الناس من منطق الإنسانية...ولا المعنى ده غريب على بروتوكولات الأطباء عندنا ؟!!!ربما كان علينا ألا نزور هذه الأماكن ، على الأقل اللي يموت منهم يموت بكرامة من غير إهانة أو إيلام !!!
ودمتم !

سقوط بغداد"أزمة بلاداعي"

ما دفعني حقيقة لحضور الفيلم هو كم الجدليات التي أثارها منذ عرضه على الرقابة و الزوبعة الإعلامية التي تلته عند عرضه في مهرجان "القاهرة", و كم الإطراء عليه من فنان محترم مثل الفنان صلاح السعدني , كما أن اللقطات التي اقتبسها مخرج الإعلان من الفيلم جميلة , وتنبأ عن فيلم قوي , نهايةً بقضية "للكبار فقط "التي توحي أن الفيلم يتعرض لمشاهد من القسوة بمكان أو ذات محتوى من الإسقاط الجنسي المباشر والتي لم يعتدها المشاهد المصري داخل أفلامه –طبعاً- ولكن كالعادة عندما يقوم من سبقك بالنفخ في مستوى الفيلم ويقوم يرفع الـ

" threshold "

الذي سوف تقيس على أساسها الفيلم فإنه غالباً ما يكون ذلك ظالماً بشدة لتقييمك للفيلم .

المخرج الجميل "محمد أمين " اختار الكوميديا السوداء للتعبير عن فكرته وربما كان هذا هو الاختيار الأصعب

.
تقييماً للعمل ككل , فهي تجربة جيدة بدايةً من الثوب الجنسي الذي ألبسه المؤلف للفيلم والتي كانت من التركيز لدرجة الهوس المرضي ما دفع أحدالصحفيين بجريدة الدستور لوصف الفيلم بــ"النكتة الجنسية القبيحة" , مروراً بسلاح الردع الذي زرعه الكاتب والذي جعله الفنان القدير "حسن حسني" ليصبح هو الحل الوحيد للموقف , وأن كنت أرى أنه لم يوفق في نقل حلبة الصراع من قضية السقوط ذتها بتداعياتها إلى قضية ذلك السلاح , وما شاب ذلك من مداخلات دارت عليها أحداث الفيلم وعلى فكرة الفيلم لاهو للكبار ولا يحزنون, والكلمة جرت للفيلم أعداد غفيرة من الشباب الصغير الذي توقع أن يجد ضالتهم في الفيلم " يا عيني شربوا مقلب سامعهم شغاليين طول الفيلم يلعنوا في سلسفيل إللي كتب العبارة دي...مقلب بالشفة" .

الفيلم مهد في سبيل ذلك لنظرية الغاية تبرر الوسيلة- وان كان يحق للمؤلف انتخاب الطريقة التي تروقه-إلا أنها تعطي الحق أيضا لمن يرغبون في احتلالنا في سبيل أنهم "ينضفونا" كما تقول الشخصية وهنا تناقض.

كما أن العديد من المشاهد لم تخلو من المباشرة التي تصل لحد الفجاجة أحياناً , و للأسف مازال أحمد عيد أقل من مستوى الحدث.

زرع شخصية الخائن أو فلنقل المنبهر بالحياة الغربية جاء ساذجاً إلى حد كبير ليس له عمق درامي والطريقة التي أنهى بها المؤلف تلك الشخصية هو للأسف فشل منه في زرع الشخصية داخل الأحداث فاكتفى بنظام "الطشاش ولا العمى كله" وكان أغنى للفنان محمد الصاوي أن يقبل هذا الدور السخيف والذي ينتهي بنهاية بمثل تلك السذاجة.

أما فكرة إقحام وزيرة الخارجية الأمريكية داخل الفيلم أرى أنها جاءت تصفية مادية "عبيطه" فحسب بينما كان من الأجدر هو الاستفادة من وضعها داخل العمل الدرامي ذاته.

حكاية الــ

"CIA"

وسعت شويتين

وبعدين فين السلاح اللي المفروض أنهم هيجربوه أمام السلاح الرادع يبدوا أنهم نسيوه...."برضك ده كلام

حقيقة مشاهد الحلم وتتابعها أروع ما في الفيلم طبعاً بالتغاضي عن النهاية السخيفة و التي حولت نقطة الحصاد لدى العمل إلى سيرك بمعنى الكلمة, وللحق فكرة المدرسةواللوحة التي تتع الاقواس فيهالكافة الدول العربية ورمزية ترك الأقواس مفتوحة يستحق المؤلف فيها التحية.
قبل النهاية لا يفوتنا الحديث عن الإنتاج الهزيل والذي كان ينبغي أن يكون أكبر من كده مراحل " وحياتك يا سيادة المنتج ده يبقى سلاح ردع ولا حتى تجربه ليه!!!؟... طيارات لعبه تعمل بخخخخخخ.. يلا هتروح من ربنا فين .. كل جنيه العشرة تدفعهم على الحكمة..!
واولاً وآخيراً هذا لا ينفي عن العمل جودته والنجاح الذي حققه في نقل القلق حول المستقبل الذي يجتاح الشخصيات للمشاهد طوال فترة عرض الفيلم.

التنحية

الجميع يدعي أن الاختلاف لا يفسد للود قضية-كذباً طبعاً- بينما الواقع على عكس ذلك تماماً فجل غيتنا تلك الأيام أن نصبنا نفسنا آلهة لا راد لحكمها ومن خالفها كافر حق لنا قتله...

¨ مثلاً تجد فئات من المسلمين الذين لا يدركون غاية الدين و حدود العلاقة مع الأقباط التي تنظم التعامل معهم بلا تضييق أو تفريط....
· تجد مثلاً دكتور الجامعة يعمد إلى الخسف بدرجاتهم إلا القليل ممن تحلى بــ"الكوسة" أو من ألقاه حظه السعيد ليكون من وقع علية الاختيار ليمثل " ال6%" تمثيل نسبي يعني.

· في المواصلات من المعتاد أن تفسح ليجلس لجوارك أي أحد عشان تخلص بينما تستنكر أن يجلس إلى جوارك واحد مسيحي.
· البعض لا يقبل حتى السلام عليهم
· تجد البعض يأنف أن يشتري من بقال لمجرد أنه مسيحي ,وإن كنت أراها على الجانب آخر أكثر وضوحاً

وعلى الطرف الآخر تجد أفعالاً زادت من تلك الفرقة إما برد فعل حيناً وإما عن عمد أحياناً أخرى:

· فمثلاً سياسة الانعزال و التحزب التي أصبحت السمة المميزة للمسيحيين.
· مثلاً عندنا الميحي ممكن يدبح واحد من عياله ولا يسكنش مسلم في بيته.
· لدينا الآن سلسة من المحلات في كل شيء من الأبرة للصاروخ بتمويل خالص من الكنيسة مع دعوة صريحة للكف عن الشراء ممن غضب منهم الرب... بقى دا امه كلام يا أخونا!!!!
· محاولات إقحام دولا أخرى و استغلال الموقف –لاكتساب عدد من النقاط-ولو على أنقاض ذلك الوطن .
· تصدقوا يقولون أختار قساوستهم اللون الأسود حزناً على" احتلال المسلمون لمصر" ومش هيخلعوه غير لما يغوروا من وشهم و بيغيروه بس يوم العيد "أهو يوم ترويح!!"
· العدائية التي تتولد حديثاً بين الشباب المسيحي والتي أرى أنها متعمدة
"طبعاً وما يقوم به أقباط المهجر خير دليل واعتبر من يشارك فيه ويوافق على كافة أطروحاته خائناً كان من كان "

نعم هناك أمثلة كثيرة فيها ود متبادل ولكن دعنا نتحدث بصدق كم تمثل تلك الأمثلة:
i. لي صديق مسيحي تقربناً لبعضنا كثيراً حتى أن من يراه يسأله عني ومن يراني يسأله عني من فرط ما رأونا معاً.... النتيجة: ماذا ؟
كل من له كلام ومن ليس له كلام معي جاء يراجعني في فعلي ليعيدني لصوابي ولولا كوني ذو اتجاه وميل ديني واضح لما نجيت من تكفيرهم ,وإن كان أبدى ذلك البعض على سبيل الفكاهة " انت هتنصرن ولا أيه؟ هاها.." حقيقةً لي من القوة على وقف كل اللسان , أن استمر في ما أراه صحيحاً ,ولكن ما حدث لصديقي كان ابتزازاً كما وضع حدا لتلك اعلاقة ولو على صورتها الحالية فافواج من الزملاء يحجون لبيته ينصحونه بالبعد عني لأني البعبع -وخاصة بتوجهي الديني المعروف" على فكرة لنا من الأخوان ولا السلفيين ولا التيار الإسلامي عشان مخك ميروحش بعيد" – ولم يشفع كوني لي علاقات جيدة معهم جميعهم ,وصل الأمر أن بدأ القساوسة يزورونه في البيت مابين الترغيب والتهديد لدرجة أن طلب مني أن نكف عن الظهور معاً حتى لا يتعرض للمشاكل قبلت مرغماً .. أنا لا أجبر أحداً على تحمل الصعاب من أجل ما يراه صحيحاً.."طبعاً لو دخلنا في الجد والـ (س و ج و ن ) كنت هفلسع أصلي حبايبنا مبيرحموش"

ii. والدتي هي الأخرى لها صديقة مسيحية لن أتحدث عن كم الضغوط المبذولة ضدها ولولا كونهم راشدين وسيدتين مصريتين من النوع الطيب التي لا ينتظر منهما حركات ثورية إضافة إلى تقارب بين والدي وزوجها لكان الأمر انتهى هوالآخر على النحو نفسه وبعدين نقول وطنية "ياراااجل!!"


iii. وهناك الكثير والكثير ولكن للأسف كما تدل على تواجد أمثلة من الإعتدال توضح في الوقت نفسه علىالتيار المعاكس, على فكرة انا بلوم الطرفين بنفس القدر , المشكلة اننا لمنتعود منذ الصغر على قبول الآخر واحترام الوالدين لرأي الطفل ومناقشته ..مسكين هيجيبه منين.

لي ملحوظة على حكاية "المسلمين اللي غزو مصر"دي..
على حد معلوماتي الضئيلة إن المسلمين دخلوا مصر بمساعدة الأقباط والرهبان الذين عانوا الأمرين على أيدي الرومان –وقتها حكم الرومان مصر - من التعذيب عندما كان الرومان وثنيين ,وعانوا أكثر عندما دخل الرومان المسيحية لأنم لسوء الحظ اختاروا مذهباً آخر , وعصر الشهداء لديهم أكبر دليل على ذلك , وبعدين أحنا المسلمين أغلب أجدادنا مسيحيون دخلوا الإسلام يعني لا في غزاه ولا يحزنون... ياريت بلاش دعاوى التعصب والفتنة.كفاية.

· تيجي للنواحي الحياتية فلن تجد في أي مجتمعنا يحدث في مجتمعنا من كم تنحية الآخر و تهميشة ووأد أي إنتاج يرتبط به ,وهنا أقصد بالآخر هم من يختلفون معنا في أي رأي كان بداية من أتفه المواضيع من مجرد النقاش العادي وصولاً لأعلى وأبرز الآراء التي يعج بها الوسط السياسي , فهناك إقصاء مقصود لكافة الآراء والأنشطة المخالفة لرأي الدولة حتى ولو كانت نافعة ومفيدة للمجتمع مادامت لا تتماشى مع آراء الحزب الحاكم...فمثلاً :
· الأحزاب السياسية الأخرى لا تجدلها لا أي عمق على المستوى الشعبي نتيجة لإقصاء واضح من الدولة بهدف ترك الحلبة لهم دون منافس رغم كوني لا أنتظر من تلك الأحزاب إذا حدث ومسكوا زمام الأمور إلا كل إقصاء لكافة القوى المناوئة ولن تختلف أخلاقهم كثيراً عن الحزب الوطني إلا ما رحم ربي... لكن على الأقل يصبح لكل فئة حظه من الإقصاء ومن الترقي .
· الإخوان "رغم اعتراضاتي العديدة لطريقتهم ف تناول القضايا وأولوياتهم التي لا تسم بعض أفعالهم بالريبة" ولكن هم دائماً في خانة الإقصاء, وإن كانوا استطاعوا بنظام يحسدون عليه بسط تواجد على الأرض بشكل لم تنجح فيه الأحزاب التي نالت من الشرعية التي يبدوا أنها كانت على ضحالتها من الكثرة كتمت على نفسها فاختنقت , وأن كنت أرى أن المسرح الحالي ينم عن تواجد لاتفاق خفي بينهم و بين الدولة- وهو موجود دائما فعلاً- و ماحدث في المرحلتين الثانية والثالثة من انتخابات مجلس الشعب أتم دليل على ذلك وليس العكس , فما دامت الدولة قادرة على سحلهم كما حدث فلما تركتهم قبل ذلك-اقصد المرحلة الأولى - الحقيقة أن ماحدث فقط لحماية تواجد الحزب فقط..العلاقة ما بينهم هي علاقة"tom & gerry" ,كل واحد ضروري لوجود الآخر.
· الأزهر أكبر دار لتنحية الآراء التي لاتتفق مع الدولة بشكل أو بآخر فهي تترك من يتفق معها أو "اللي يقعد كده على حيله على جنب ويتلهي على عينه ويخليه في نفسه" أهلاً به , لذا تترك السلفيين وترخي الحبل لجموع الصوفيين حتى ولو جعلوا البلد كلها حضرة أو مولد كبيرة "يلا خليهم يتلهو ويلهو الناس معاهم"...حسبي الله ونعم الوكيل, أما الوهابية "الخطر الآتي من الشرق" كما يحلو للبعض أن يسموها .. ربما تتشدد هي الأخرى وربما تقوم هي الأخرى بإقصاء من خالفها من آراء لكنها تتعرض للمثل..يبدوا أنها عقلية الجهلاء العرب من كل الطوائف التي تسعى لنا جميعاً أن نقف عند ما نحن عليه وإن كنت أحمد للوهابية قدرتها على التخلص من موالد الجهل الديني و الأضرحة التي كانت تجتاح الحجاز قديماً والتي مازلنا نرزح نحن هنا تحتها بفعل فاعل!!., أخبرني صديق أن له قريب قدم في الأزهر للحصول على درجة الدكتوراه وكانت رسالته تستمد مرجعيتها من عقيدة الإمام "محمد بن عبد الوهاب""الوهابية" واعترض على نقاط في المذهب الأشعري ,فقام الدكتور على جمعة أو أياً من كان فقطع الرسالة نصفين في وجهه وقال له إحنا هنا أشعريين وخد كلمتن اللي فيهم النصيب ما زلت أذكر كلمات أ. أسامة سرايا في ندوة وكم الكره الذي يتحدث به عن السعودية ودول الخليج ولم نسى أن يوزع اتهاماته لهم بالشروع في زرع جماعات داخل مصر للتخلص منها والسيطرة عليها " بلا نيله " بتاع أيه لا الإخوان ولا السلفيين بيحبوا السعودية , ومن يومين قريت فتوى سعودية بتكفير حسن البنا وكل اتباعه من الإخوان يبقى أيه يا سيدي .
· أما في دراستي الأكاديمية فحدث ولا حرج عن ما واجهته من أعاجيب , فكلام الباشا قرآن وكلام الدكتور اللي بعده أنجيل-عشان الوحدة الوطنية- و هلما جرة وكل لا يقبل كلام الآخر," ولو اتكتب في Textbook " ,ولو حظك العاثر رماك في وش "دك..تور" وقلتله حرف معجبوش يا سلام تبقى كفرت, وحل فيك الدبح " هذا ما حدث لي مراراً وتكراراً ", دخلت في يوم وعملت فيها فتك و ذاكرت من كتاب في عين شمس وسألني الباشا في الشفوي أنت حضرت محاضراتي ...قلت له أيه ده ياباشا بتقول أيه دا كلام تقوله..سكت "الباشا فهم خطاً أني حضرت"..ثم سألني طبعاً أفضت وجبت من هنا وهنك و لما قلت كلام بتاع عين شمس عينك متشوف إلا النور .أنسى الكلام ده , أنت مبتحضرش قللي جبت الكلام ده منين , وده السؤال اللي كلنا بنخاف منه , واللي تم تحذيرنا بشدة منه!! ..قلتله ياباشا مكتوب في كتبنا ...هاج وماج قاللي غلاااااااط ...يلا مع السلامة..بس أيه الحمد لله نفعني النظري واللجنة الثانية كيفت الدكتور بكلامه وعدٌت"
· البيت :أعتقد أنها المؤسسة الأولى لوئد كل الآراء, لذا ينشأ الطفل إما على السلبية و يصبح على ابركة المواطن المصري المهذب يشرب اللبن الصبح وشتري الأهرام ويستنا في طوابير الجمعية بصبر أيوب سعيد بما جناه وينام بدري , وإما يخرج متشبث بأراءه كأنها الوحي الإلهي يارب صبرنا.

لا يوجد للأسف ما يسمى بحياد الرأي هنا ,الكل يعكف على إثبات رأيه ويجند كل طاقاته لفرضها على الآخرين , لو أنفق نصفها لتقبل الآخر على هيئته وله أن يسعى لمناقشته دون إرغام لكان أولى , أعتقد آن الأوان أن نتوقف عن سياسة التنحية والتهميش لما لا يلتقي مع رغباتنا وإلا هلكنا جميعاً..

هل هناك من له الحق في منع أي ابداع حتى لو كان هو من أنشأه؟

.

.

هل هناك من له الحق في منع أي ابداع حتى لو كان هو من أنشأه؟
"بخصوص أزمة قصة"أولاد حارتنا " للكاتب نجيب محفوظ

ربما استهلالي بهذا السؤال يدفع الكثيرين للظن بأنني سأجيب بالنفي....
بينما على العكس ! وفي تلك الأزمة تحديداً ,أرى أن من حق المبدع الذي ألف إبداعاً ما في إحدى مراحل عمره أن يكون هو وحده ووحده فقط له حق نشره , وخصوصاً إذا كان نشره يتعارض مع وجهة نظره في تلك المرحلة.
المبدع له الحق أن يولف المرحلة التي تخصه دون تدخل من أحد, و أ.نجيب وضع شروطاً في رأيه كفيله بنشر إبداعه, فلنا أن نحاول توفيرها وافقنا أم ابينا- إذا أردنا حقاً نشرها- و إلا ليس لأحد إرغامه على شيء يأباه.
وليس لدار الهلال أن تضغط على كاتب بقدر "نجيب محفوظ" وتنازعه على حق من أبسط حقوقه .
وموضوع الإبداع عندما يخرج من مبدعه يصبح ملكاً للجميع " ده يبقى كلام فارغ" , وإلا ليه تهوسونا بموضوع الملكية الفكرية وسرقة المواضيع وسرقة الوصلات الفضائية...ولا الملكية الفكلرية على هوا ناس ناس تتاوى في حقها من إباحة أو منع!!.
من غير رط ولا عجن ده حقه واللي هيرفع قضيه بالحجر على حق المبدع في النشر يبقى زي اللي بيرفع حجرعلى أبوه "أصله معرفش مصلحة نفسه وهم اللي عرفينها..."طبعاً دار الهلال ليهمها زيد ولا عبيد"...
اتمسوا بقى