مدونات ورقية مطبوعة!!
على فكرة أنا بفكر لو نجمع كل إنتاج المدونات بشكل اسبوعي وتصدر بذلك جريدة أسبوعية أو شهرية مطبوعة
أعتقد ده ممكن يوصل أفكارنا لقطع أكبر ويربطنا بالمجتمع بشكل أكيد أكبر.
ياريت كل واحد مؤيد لرأيي يبلغني....
وممكن نسميها مثلاً.." المدونة" أو مدونات اسبوعية مثلاً....
8 comments:
اظنها فكرة جيدة. لكن تنفيذها صعب جدا
فكره جامده موووووت
ويا مانو لا صعبه ولا حاجه بس عايزه واحد معاه فلوس ويكون مجنون
على فكرة الفلوس مش مشكلة أبداً احنا بالآلاف وبعدين احنا ممكن نكون شبكة لرصد الأحداث في أي حته ولو في شاع جانبي بالصوت والصورة وبكده هنكون رصيد من المصداقية بين الناس
وانا هحاول أوصل الإقتراح لكل البلوجات وياريت تساعوني في توصيلها للكل وهحاول ابعت لعلاء ومالك
واعتقد في كتير من الكتاب والهيئات ممكن تساعدنا بأشكال كتيره ممكن تخلينا قوة ضاغطة ومؤثرة على جمهور الناس اللي مبتعرفش في الكومبيوتر
شكر لكل من يساعدني لتوصيل الحلم للواقع وممكن نتقابل للإتفاق
سلام للمحروقين في طيبة
فكرة كويسة يانور لكن عندى سؤالين ياريت تجاوبنى عليهم
الأول الجريدة دى حتكون فى صورة أيه جريدة نتية والا جريدة ورق
الثانى مين اللى هيقوم بأختيار المواضيع اللى هتنشر
على العموم الفكرة أستاذة وواعدة
الغريب
ياباشا طبعاً ورقية ودي الفكرة عشان توصل للناس العامة اللي ملهومش في النت من اساسه
نور
فكرتك جميلة جدا
محتاجة اجتماعات ودراسة
يعني لازم يكون فيه مكان لمناقشة تتعمل فيه اجتماعات الناس المشاركة
ولو مرة كل أسبوع
ونتفق كلنا على الجوانب الأخرى وعلى النحرير
والجوانب الفنبة
إيه رأيك نكتب في البلوجات صيغة دعوة لأول اجتماع ونحدد فيه الميعاد والمان؟
يعني نحاول نخلي الموضوع واقع بالفعل
هيا دي الطريقة الوحيدة
انا موافق طبعاً دي مش عايزة كلام
بس لأني بعيد حبتين عن العاصمة محتاج نتفق نجتمع الأول مثلا بعد ثلاثة أسابيع على البلتوك أو ياهوو أو أي مكان نتفق على اننا نعمل فيه إجتماع لكل المشاركين في البلوجات ونشوف رأي الناس في الفكرة وكيفية تنفيذها على الأرض..
وبعد كده ممكن نتفق على اجتماعات ميدانية..
وتكون الثلاثة أسابيع القادمة هي المدة المتاحة لنا للتبليغ على الفكرة ووقت الإجتماع...
وانا لأني بشتغل بشكل مؤقت في موضوع التصميم و الإعلان هعمل اليومين دول على تصميم ظريف للدعوة المفترضة وسأرسله للجميع وياريت الكل يساهم في نقل الفكرة..
شكراً لتحمسك و اهتمامك...
عزيزي نور
أولا شكرا علي زيارتك للبلوج بتاعي ويا ريت تشوف ردي عليك في مدونة نوفير كمان علشان تعرفني أكتر .. وياريت تقوللي عمرك كام سنة ومجال شغلك إيه ولو حتى عالإيميل
ثانيا طبعا فكرة مجلة المدونين دي رائعة والبداية حتى ولو صغيرة هي اللي هاتشد بقية المدونين ليها لأن مافيش حد عنده حصر بكل المدونين المصريين
ثالثا ياريت تراعي قبل ما تدعو للإجتماع إني ساكن بعيد شوية .. ييجي ألفين وخمسمية كيلو كدة
Post a Comment