Wednesday, November 29, 2006

هموت من الغيظ


ده أقول عليه أيه ياربي
لما شفت البوست ده مقدرتش أمنع نفسي من الغيظ و الوكسه الي عيشين و شكلنا هنموت فيها

ده نص بوست لقيته على الشبكه " المشكله أنه من واحد مش مع الحكومة أصلاً :
نقول ونحكى من تانى مش عارف حاسس ان الحكومه شامه نفسها على الناس حبتينيمكن علشان طلعت السادات اتاخد فى قصه كده اى كلام واصل القصه فى عز بتاع الحديديمكن علشان عبد الكريميمكن علشان ملاحظ عمليات الاعتقالات والتحليق واختفاء المظاهرات النسبييمكن علشان الهجوم المكثف من خلال النت على المدوناتمش عارفلكن هو شعور بهجوم شديد من الحكومه على كل من اتكلم عنها وقت ما كانت ما تقدرش تعمل حاجهطبعا الحكومه شويه ليها حق فاللى بيتعمل فيها بيضعفها يوم ورا يومواحساس المواطن ان البلد بقت زي الغابه مالهاش كبيروامتدت ايدى اللصوص الى قضبان السكك الحديد وكبلات الضغط العالى وكبلات التليفونات المركزيهمما يعزز من احساس المواطن بضعف الحكومهوطبعا ده بيخلى اصحاب النفوس الضعيفه باستغلال الموقف سواء داخل الحكومه نفسها او داخل البلد او خارجهافطبعا الحكومه عايزه تستعيد هيبتها فبقت بقه بتاخد عاطل فى باطل.. علشان ترجع زى الاول لكن المشكله ان الناس فهمت ده انه حلاوه الروحطبعا كلنا بنحب بلدنا وبنخاف عليها ويهمنا ان الحكومه يكون ليها هيبتها لحمايه المواطنين مش العكس وطبعا انا مش مع كتير من المدونين اللى يحبو يلاقو جنازه ويشبعو فيها لطم
وبجد انا ابتديت اخاف على البلد
لان الحكومه لو ما استعادتش هيبتها بذكاء هاتكون فوضى وبجد فيه ناس همج كتير نفسهم اى خرم ابره بس ويعيثو فيه فساديا رب استر


وحقيقة لما اتغظت رديت عليه الرد ده :
هو ده اعتبره أيه بالظبط
يعني مش فاهم يعني ولا .....م
أظاهر إنك شارب حجاجة صفرا
بس ان الشعب الهمجي اللي بيخلع قضبان السكك ده مش من الحكومة اللي قلت هيبتها ده لأن الجوع كسر كل قضبان معدته وبقى داير ياكل أي حاجة في وشه...." مش تقللي هيبه ومعرفش أيه؟؟"
انت أكيد بتهزر
هيبة أيه ولا خيبة أيه جتك وجاتنا مليون وكسه
الحكومه محتاجه أيه تاني تدبح الباقي عشان يعجبك ولا تديها أغتصاب بالجملة وتخليها حملة منظمه على كل البنات بالدور والولاد كمان عشان محدش يبجح بعد كده
اللي عمل كده في الناس الظلم والجوع والمرض والقرف اللي على راسنا كلنا مش الالستين خيبة اللي اسمها "هيبة" ..م
أيه النيلة دي اللي احنا فيها ياربي
حد ياربي لسه بيفكر كده

7 comments:

يا مراكبي said...

إنت ليه هبشته جامد كده؟ كنت إقنعه بالراحة شوية .. إزاي؟ قول لة إن الحكومات لازم يكون ليها هيبة ده مبدأ عام مظبوط في العالم كله .. أما في حالتنا الخاصة فالموضوع مختلف لأسباب كتيرة إنت لمحت عن شوية منها

nor said...

أصلي انا كنت بقرا الالبلوج بتاعه أصلا وعارف أنه من البوستات السبقة أنه فاهم ومش محتاج لمدرس والبوست اللي قبليه على طول كان باعت بوست عن الحكومة اللي بتقفل في البلوجات وبتقبض على على المدونين
وكان باين انه يعني عنده نسبة من الذكاء تتعدى الــ 85% مش أقل يعني
لكن المره دي صدمني بجد

وده وصله ليه...
http://mo181.blogspot.com/

Saikoman said...

بصراحه الغباء بقي وباء في بلدنا
المشكله انه بيشوف التلفزيون المحلي كتير

elgharep said...

أيه يابنى أنت تغيب تغيب وتتطلع ببوستين مرة واحدة ....
اللى كتب المقال ده شخص بيستغبى مش غبى واللى مايشفش من الغربال المخرم على كيفك يبقى أعمى وبيستعمى
الغريب

littilemo said...

الف شكر

nor said...

littilemoبص ياعم
انا مش قصدي أغلط فيك لا سمح الله وانا آسف ان كنت فهمت كده
بس انت ليك رأي منافي للعقل
انا قلت أنا فعلا كنت بقرا بلوجك بانتظام عشان كده انا زعلان ومش فاهم بأي منطق بتقول كده؟؟
ولو ليك تفسير أحب فعلا اسمعه

elkamhawi said...

انتى عارفة اللى شدنى فى الحوار ده كله التعليق بتاع وردك بجد ضحكت قوى

خلينا نشوفك