Sunday, February 18, 2007

الموقع الرسمي لمعرض القاهرة.....متهرب من السداد !! يا الفضايح!!؟

------------------------------------------------------------------------------
مثالية غائبة
انا قريت بوست في بلوج قصاقيص بتقدم فيه سلسة اعتذارات لطوب الأرض لأنه اكتشفش انها مش مثالية ذي ماكانت متوقعة..
الموضوع ده بالنسبالي دوامة حياتي قلت ابعتلها الرد ده ... وياريت لو حد حل اللغز ده يقولنا حله ايه!!؟
كلام جميل.....بسمش عارف أعتقد اني اشاركك الإعتذار لنفسي قبل أي حد تاني..... مش لأني أهم منهم .... بس بساطه لأني هكون أكتر واحد اتضحك عليه في الموضوع ده
ياستي انا مثلا عيشت أحلام اليقظة اللي خاصة بالمثالية و ايه ممكن أكون عشتها صوت وصورة لدرجة اني نفسي معرفتش أعيش في الدنيا دي... أتذكر كلام واحد صاحبي قاللي انت ايه يابني انت نازل في الزمن الغلط...كنت فاكر اني صح خالص وايه .. أسمع بقى نشيد " غرباء" واقرى حديث الرسول "صلى الله عليه وسلم" وقول طوبى للغرباء..بس مقدرتش أندمج حسيت اني بعيد ممكن أي حد يحبني ممكن يقعد يفضفض معايا على سبيل عمنا الشيخ.... بس لما ييجي يعيش سنه لما يفكر يطلع رحلة لما يحب يتمشى ويتفسح لما يحب ياخدله رفيق في شقة او خلافه أكيد هكون ببساطه آخر الخيارات , إن مفضلش البعض إنه يعيش أو ينزل لوحده عن انه يجيبني معاه.... هو برضه يرجع يقول هي ناقصة خانقه...وصديقي الصدوق كان دايما يقولي فكها وماتخنقش نفسك واللي حواليك .. ببساطه عيش سنك..فكرت حاولت بس ذي المحروم اللي راح من أخر اللي هنا لآخر اللي هناك بقيت الأكثر هزاراً الأكثر صحبه ورحلات.... وبعدين بحاول أكون بعض اللي فات ... مش قادر على العكس العملية شبه مستحيله..لا انا مرتاح هنا " حاسس اني مش عايش في وسطي...رغم اني تأقلمت بشده فيه بس برضه لوحدي...." ولا انا متأقلم هناك" كنت في جزيرة مهجورة قوي قوي.....
دلوقتي بحاول ألعب على الحبل بس حاسس اني هاقع في النهاية مش قادر أصل لحل اللغز....
متعتذريش عن حاجة انت مش عارفه هتبقى ايه ولا ليه...يمكن يوم هتندمي ويمكن يومي تتمني تكوني أو متكونيش ذي ما انتي.. المهم انك تكوني متصالحه مع نفسك بأي صورة ده المهم حقيقي

4 comments:

قصاقيص said...

كان نفسي أرد علي البوست ده وأسيب تعليق
بس للأسف .....إنت عارف ردي كويس لأنك قريته من كام يوم
بس الإضافه هي إني إكتشفت في اّخر المشوار إني..."طظ" كبيرة أوي
سورى في اللفظ
وعموما شكراّ لإهتمامك بكتابة بوست للرد علي البوست بتاعي

أُكتب بالرصاص said...

جامدة


:)

أحمد مختار عاشور said...

لا يا مى انتى مش طظ
................
متصدقهاش يا نور
...............
مى مش طظ أبدا
و عمرها ما هتكون طظ
..............
ايه الهبل ده؟ طظ ايه بس يا مى؟
..............
ههههههههههههههه
قال طظ قال.

tamer afify said...

ازيكو الأول
حلوة لقطة موقع المعرض

وكان طبيعي متعلقش عليها بأي كلام

ويمكن معرفش موضوع مي لأنه مقريتش

حبيت اسلم

تحياتي