Wednesday, October 10, 2007

السلفيون و....انا

ليس لدي مشكلة خاصة مع السلفيون في حد ذاتهم ولن كانت أول لقاءاتي صادمة رغم أني انتقلت بمركز صلواتي للجمعة لماجدهم لتعرف على كيفية تفكيرهم وحكمهم على الأمور.

وفي صلاة التراويح وبين الجلسات الإستراحة تعالى صوت " الشيخ" محمد علي بمجموعة دروس هامة - حقاً- تحت عنوان دروس مهمة لشباب الأمة .......

قبل الخوض في الحديث عن تلك الدروس الثمينة سأتحدث عن الشيخ الفاضل صاحب الدروس والذي تربطني به أحد أقوى المواقف الصادمة - خاصة انها كانت في أول علاقتي بهم

صادفت "الشيخ" من 4سنين تقريباً بعد صلاة التراويح واستوقفته أسأله عن معاد صلاة التهجد فقال بإندهاش مبالغ فيه ونظرة استنكار نارية و قال" أتريدون ديناً غير الذي أنزل على محمد ؟!!" طبعاً انا مش هقولكم سلخته وعملت فيه ايه لكن للأسف كل اللي في الجامع سلفيين آثرت السلامة وخلعت.......... لكن بعد دروسه المهمة للأمة كان هناك تنبيه أن صلاة التهجد ستبدأ الواحدة صباحاً قلت- مبدهاش- لازم ياخدله كلمتين في جنابه.
اقتربت منه بعد الصلاة وسألته بمنتهى البراءة اللي في الدنيا :قل لي ياشيخ هو مش حرام نجتمع لصلاة التهجد؟؟ وطبعاً كان لازم أظهر بعض الإندهاش عشان تكمل الطبخة انتم عارفين اني وسطهم شكلي كده سلفي
بص بنوع ممن المصمصة وقال هناك آراء ومدام هناك سعة فلاداعي من التشدد ولابأس من التيسيير هنا فقط لمعت أنيابي وسال لعابي أصلي البرنس وقع في الفخ ومحدش سمى عليه"بسم الله" وخاصة انه كان مع صديق أو مريد مش عارف بالظبط لأنه لما سبته كان محرج بشدة وبيقول يا أرض ابلعيني ...
قلتلة اذاي ده كفر.... طبعا استغرب ....قلتله ما يعني انت من 4 سنين قلتلي لما غلطت وسألتك عن معاد التجمع للصلاه كفرتني وقلتلي كذا وكذا..... قالي لا مقلتش ... قلتله لا قلت وماتحاولش تكدبني...
حاول يراوغ وقال انه وقتها كان مقتنع تماما انه حرام
قلتله وياترى كل ماتقتنع بشيء هتكفر اللي على غيررأيك -ان شاء الله- ياريت متبقاش متسرع وتطلق أحكام شعواء
وبعدين في سعة بس للأسف مش السعة اللي في عرفك .... ياريت راجع نفسك في أحكامك
وسبته قفاه يقمر عيش
على فكرة انا مش عنيف بس هو مازال اسلوبه هجومي مستفز للناس
وحقيقة مش عايز أقول ذي الحكومة - هو كلمن هب ودب يعلو المنبر ويفتي؟؟- ده في الخطبة يوميها قال كلام كان نفسي .... ولا بلاش
المهم ان شاء الله هحكيلكم على فتاويه المهمة لشباب الأمة في مرات قادمه

14 comments:

عصفور المدينة said...

ممكن تريح دماغك من المسجد ده لو كانت الأمور كما ذكرت وتتواصل معي عبر مدونتي أو الإيميل أو زي ما تحب وتشوف طريقة حكمهم على الأمور وياريت تشرفني بقراءة تدونتي الجديدة وأكون شاكر

nor said...
This comment has been removed by the author.
nor said...

well & good
thanx 4 passing

اسامة يس said...

جيد انك وضعته في هذا الموقف .. لانه يستحق اكثر منه بكثير ... فهو لا يعمل عقله ومردد كالبغبغان ...
ونسأل الله لنا ولك وله الهدايه ...


دمت بكل ود
ملاحظه مع السلفيين/لا السلفيون

mariam said...

حمد الله على السلامه
ايه الغيبه الطويله قوى دى

المشكله هنا هى ان هناك ناس تأخذ الدين عنوه
و يتشددوا على اى حاجه
فاكرين ان كل ما التشدد زاد التقرب من ربنا زاد

nor said...

بالتغاضي عن الثاء/سيناً والذال/زاياً ..... عندك حق مع السلفيين
شكراً للملحوظة .. على فكرة انا احترم كل من يعتبر اللغة هما داخليا يدافع عنه

المشكلة ان فعلا الشباب السلفي مدفوع بحمية من غير تفكير رشيد.....ويمكن هناك من قال أن الشيخ تقريباً وجدي غنيم أو محمد حسين يعقوب نفسه قال مامعناه ان الشباب السلفي يتعاملوا مع الناس من فوق وان اخذهم العجب وده داء قاتل على الرغم ان كيهما على ما أعتقد محسبين على التيار السلفي... وعلى فكرة اللي عاوز يتبع التيار ده بقوله أن تيااار آااااامن - لذا وجب التنبيه-!!.

يا مراكبي said...

أنا في إنتظار البوست اللي جاي اللي هتحكيلنا فيه عن المواقف التانية مع السلفيين واللي هتوضح الموضوع أكتر وأكتر .. بس ما تتأخرش كتير

ماشي؟

allfollowsome said...

عندك حق

مش لازم اى حد يطلع على المنبر من غير ما يكون واثق جدا ومتاكد جدا

وعنده اسلوب يوصل بيه المعلومة للناس

allfollowsome said...

انت بقيت سلفى ولا ايه ارجع

koukawy said...

من رأي ان الافتاء دي ليها ناسها مش اي حد
و التشدد ده شئ مش لطيف في اي حاجه

أسما said...

الحقيقة انا عمري ما رحت صلاة جمعة ولا تراويح ولا تهجد و مش باثق في كلام معظم الشيوخ بتوعنا او اللي عاملين فيها شيوخ ... الحمد لله ان انا مش راجل عشان ما اخدش ذنوب لو ما صليتش في الجامع

dr_casper said...

كثير من الافكار التي تحملها تلك الصنوف من البشر تحوي قبحا أثر مما ذكرت أنت

كثير ايضا من هذه الافكار طريفة جدا و تشعرك بمدي الهوة السحيقة التي نتردي فيها
و كم ذا في ثقافتنا من المضحكات و لكنه ضحك كالبكا
مع الاعتذار للمتنبي

Fkrny said...

أختار الاول يا باشا

Unknown said...


thx

كشف تسربات المياة
غسيل خزانات
شركة نظافة عامة