رحمه الله وغفر لنا

في فترة من فترات عصر مابعد الثورة عهد مابعد الحرب نشأت عدد من الشخصيات على كافة الأصعدة الثقافية والدينية والعلمية وحتى على الجهة الأخرى من الحركات المختلفة فكريا وعقائديا وكان هناك نوع من الزخم السياسي والثقافي والديني !!.

الآن نحن نرقد في وضعية اللا حركة- الثبات حتى الموت- ببساطه الموت ببطء ووجل

الآن هي لحظة الإنحسار الكامل لذلك الجيل.... سلسة من الإختفاءات.. الشعراوي ، المسيري ، عطية صقر ، مصطفى محمو وغيرهم الكثير ربما غير الإختفاءات والإنهزامية من تراجع البعض منهم وربما خيانة مبادئهم...

ربما مازلنا نرتبط لأفكارهم ماتوا أو حتى خانوها ولكن ارتباط غير فاعل مثل الراوبط والعناصر الخاملة في نهاية الجدول الدوري لمندليف تماما كالإسلام حاليا بلا مسلمين .

رحم الله العلامة مصطفى محمود وغفر له وغفر لكثيرين ممن تطاولوا على شخصه ونصبوا أنفسهم آلهة حكموا على دينه ودنياه.... ترى المتنطع فيهم يقول بملئ فيه ربنا يسامحه "اصله عك كتييير!!" هناك من يَصْدُق إيمانه ولا يعنيه في طريقه إلا الوصول إلى الله حيث يرخي عنده وفاضه ويرتاح عند ظله الوافي... ربما أمامنا الكثير لكي نتوقف عن الكلام فأعتقد نحن لا نملك سواه وجبنا حتى أن نمس به ساستنا و ملهبي ظهورنا بسياطهم فصرنا نعور به كرامنا ربما حتى لا يخذينا ما فعلوه فنرى فشلنا واضحاً جلياً
رحمك الله وغفر لنا

السلفيون و....انا

ليس لدي مشكلة خاصة مع السلفيون في حد ذاتهم ولن كانت أول لقاءاتي صادمة رغم أني انتقلت بمركز صلواتي للجمعة لماجدهم لتعرف على كيفية تفكيرهم وحكمهم على الأمور.

وفي صلاة التراويح وبين الجلسات الإستراحة تعالى صوت " الشيخ" محمد علي بمجموعة دروس هامة - حقاً- تحت عنوان دروس مهمة لشباب الأمة .......

قبل الخوض في الحديث عن تلك الدروس الثمينة سأتحدث عن الشيخ الفاضل صاحب الدروس والذي تربطني به أحد أقوى المواقف الصادمة - خاصة انها كانت في أول علاقتي بهم

صادفت "الشيخ" من 4سنين تقريباً بعد صلاة التراويح واستوقفته أسأله عن معاد صلاة التهجد فقال بإندهاش مبالغ فيه ونظرة استنكار نارية و قال" أتريدون ديناً غير الذي أنزل على محمد ؟!!" طبعاً انا مش هقولكم سلخته وعملت فيه ايه لكن للأسف كل اللي في الجامع سلفيين آثرت السلامة وخلعت.......... لكن بعد دروسه المهمة للأمة كان هناك تنبيه أن صلاة التهجد ستبدأ الواحدة صباحاً قلت- مبدهاش- لازم ياخدله كلمتين في جنابه.

اقتربت منه بعد الصلاة وسألته بمنتهى البراءة اللي في الدنيا :قل لي ياشيخ هو مش حرام نجتمع لصلاة التهجد؟؟ وطبعاً كان لازم أظهر بعض الإندهاش عشان تكمل الطبخة انتم عارفين اني وسطهم شكلي كده سلفي

بص بنوع ممن المصمصة وقال هناك آراء ومدام هناك سعة فلاداعي من التشدد ولابأس من التيسيير هنا فقط لمعت أنيابي وسال لعابي أصلي البرنس وقع في الفخ ومحدش سمى عليه"بسم الله" وخاصة انه كان مع صديق أو مريد مش عارف بالظبط لأنه لما سبته كان محرج بشدة وبيقول يا أرض ابلعيني ...

قلتلة اذاي ده كفر.... طبعا استغرب ....قلتله ما يعني انت من 4 سنين قلتلي لما غلطت وسألتك عن معاد التجمع للصلاه كفرتني وقلتلي كذا وكذا..... قالي لا مقلتش ... قلتله لا قلت وماتحاولش تكدبني...

حاول يراوغ وقال انه وقتها كان مقتنع تماما انه حرام

قلتله وياترى كل ماتقتنع بشيء هتكفر اللي على غيررأيك -ان شاء الله- ياريت متبقاش متسرع وتطلق أحكام شعواء

وبعدين في سعة بس للأسف مش السعة اللي في عرفك .... ياريت راجع نفسك في أحكامك

وسبته قفاه يقمر عيش

على فكرة انا مش عنيف بس هو مازال اسلوبه هجومي مستفز للناس

وحقيقة مش عايز أقول ذي الحكومة - هو كلمن هب ودب يعلو المنبر ويفتي؟؟- ده في الخطبة يوميها قال كلام كان نفسي .... ولا بلاش

المهم ان شاء الله هحكيلكم على فتاويه المهمة لشباب الأمة في مرات قادمه

خادمة مصرية في ثوب العمل

مرحا مرحا....والله ما قصرتم..

هم على الطريق.............نحن في مفترق الطريق.

هيا لسا فيها نور..؟

كل ما بمر بمرحلة من حياتي بحس انها بتضلم اكتر واكتر .....مش عارف

أنا من النوع اللي ما بييأسش بسرعة .....بس .....دلوقتي وبعد آخر

طامة تمر على أحد أكبر مخطط في حياتي....حاسس اني سارقاني السكينة.

بتساءل.... هو لسه فيها نور..؟

أنات السنط

حيناً تنشر أزمنة العمر أشرعةً تعمينا
ويتلو خريف الحب أغاني حب ماعادت تشجينا
وقفت أشجار السنط صامدة
تعلوها لعنات القابع كمداً في كوب يحسوه الأمس
تنصاع وريقات السنط طواعيةً
تتمزق
صارت أشجار السنط بلا ثوب
في لحظة غدر
ويكبلها الصمت اليأس
تقف الاشجار طويلاً
غير مبالية من غدر الغادر
أو كسوة ريح ينسجها
مطر في غسق الفجر
تتساءل بداً
إذ شابت وقفتها انات من طول الصبر
..متى تكسى رونقها؟؟
ويعود ربيع الأمس...؟
ولماذا لايجدي دوماً ....

سحر القمر مع الشمس؟؟

الموقع الرسمي لمعرض القاهرة.....متهرب من السداد !! يا الفضايح!!؟

http://www.cibf.org/

------------------------------------------------------------------------------

مثالية غائبة

انا قريت بوست في بلوج قصاقيص بتقدم فيه سلسة اعتذارات لطوب الأرض لأنه اكتشفش انها مش مثالية ذي ماكانت متوقعة..

الموضوع ده بالنسبالي دوامة حياتي قلت ابعتلها الرد ده ... وياريت لو حد حل اللغز ده يقولنا حله ايه!!؟

كلام جميل.....بسمش عارف أعتقد اني اشاركك الإعتذار لنفسي قبل أي حد تاني..... مش لأني أهم منهم .... بس بساطه لأني هكون أكتر واحد اتضحك عليه في الموضوع ده
ياستي انا مثلا عيشت أحلام اليقظة اللي خاصة بالمثالية و ايه ممكن أكون عشتها صوت وصورة لدرجة اني نفسي معرفتش أعيش في الدنيا دي... أتذكر كلام واحد صاحبي قاللي انت ايه يابني انت نازل في الزمن الغلط...كنت فاكر اني صح خالص وايه .. أسمع بقى نشيد " غرباء" واقرى حديث الرسول "صلى الله عليه وسلم" وقول طوبى للغرباء..بس مقدرتش أندمج حسيت اني بعيد ممكن أي حد يحبني ممكن يقعد يفضفض معايا على سبيل عمنا الشيخ.... بس لما ييجي يعيش سنه لما يفكر يطلع رحلة لما يحب يتمشى ويتفسح لما يحب ياخدله رفيق في شقة او خلافه أكيد هكون ببساطه آخر الخيارات , إن مفضلش البعض إنه يعيش أو ينزل لوحده عن انه يجيبني معاه.... هو برضه يرجع يقول هي ناقصة خانقه...وصديقي الصدوق كان دايما يقولي فكها وماتخنقش نفسك واللي حواليك .. ببساطه عيش سنك..فكرت حاولت بس ذي المحروم اللي راح من أخر اللي هنا لآخر اللي هناك بقيت الأكثر هزاراً الأكثر صحبه ورحلات.... وبعدين بحاول أكون بعض اللي فات ... مش قادر على العكس العملية شبه مستحيله..لا انا مرتاح هنا " حاسس اني مش عايش في وسطي...رغم اني تأقلمت بشده فيه بس برضه لوحدي...." ولا انا متأقلم هناك" كنت في جزيرة مهجورة قوي قوي.....
دلوقتي بحاول ألعب على الحبل بس حاسس اني هاقع في النهاية مش قادر أصل لحل اللغز....
متعتذريش عن حاجة انت مش عارفه هتبقى ايه ولا ليه...يمكن يوم هتندمي ويمكن يومي تتمني تكوني أو متكونيش ذي ما انتي.. المهم انك تكوني متصالحه مع نفسك بأي صورة ده المهم حقيقي

القيسارية جنة النساء

القيسارية أحد أكثر مناطق سوهاج عشوائية ، عبارة عن متاهة من الصعب على غير أهلها الخروج منها إلا بصعوبة بالغة

القيسارية ... تلك المتاهة داخل الإطار الأزرق

القيسارية عن قرب

فشوارعها عبارة عن دوائر متداخلة ومتقاطعة وضيقة ولا تبدو لها سماء لما يتم تعليقه من ملابس وبضائع من الجانبين ، فهي تعد أكبر سوق للقطاعي والجملة في سوهاج بلا منازع ، تزغزغ المار فيها روائح العطارين و محال البخور والعطور ومطاحن البن التي تنتشر هنا وهناك كما لو أنك ألقيت حبات نرد وسط القش بلا نظام ، بينما تتراص محلات المجوهرات بعضها جانب الأخرى مكونة شوارع خاصة ، كأنما تحتمي بعضها بالأخرى والتي علمت أنها أخيراً تنفست الصعداء بعض قرار المحافظ السابق بإغلاق كافة محلات الدهب بعد الحادية عشرة بعض سلسلة من السرقات التي اجتاحت عدد منها ولكن بعد رحيله توقف العمل بذلك القرار وكما يقولون"مات الملك عاش الملك "يبهرك كم النساء التي تحج لذلك المكان ويطوفون طرقاته وتتعلق أعينهم بباتريناته وواجهاته تمتد أعينهم للمسوح المعلقة والبضائع والمجوهرات بخشوع وكما انك ترى أحد الطقوس الدينية لكهنة بوذا ، وتسمع على البعد أنغام همهمات الناس وكأنها ترانيم تعم ذلك المعبد ، ما يؤرق الماشي فيها فقط هو كم تلاحم الأجسام فيها لكثرة الحجاج وكأنك تسبح في موج بشري جارف، لا يهتم المار فيها بمن يلاصق ذكرا كان أم انثى الكل معلق بما يرى ووسط هذا الحشد تراه وكأنه مدفونا وسط الملابس والبضائع المعلقة تحاول بوابته أن تطل برأسها مما يغطيها من تلك البضائع بلا جدوي، كنت أظنه في البداية أحد تلك المتاجر ولكني اكتشفت أنه مسجد أثري يدعى مسجد علي بك الكبير ، عرفت من صاحب عطارة بجواره أنه مسجد من عهد المماليك مبني على نفس الطراز الذي يتميز سقفه ببناء خشبي مزخرف وعلمت أن الهيئة السياحية تبدأ في مشروع لترميمه وضمه للخريطة السياحية هناك ، ولا ينسى الخارج من تلك المتاهة ان يمر على مسجد العارف بالله وهو أحد أكبر و أشهر مساجد سوهاج كافة يتميز بزخارفه الرائعة وارتفاع قبته ومأذنته بشكل كبيير جداً، والبوابة الشمالية للقيسارية يربض هناك جامع القطب وجامعته وهي عبارة عن معهد ديني لإعداد الدعاة وتحفيظ القرآن والحديث ومناظرة التفاسير القرآنية ، ميزة ذلك المكان أنها علىقرب شديد من محطة القطار بسوهاج

وكذلك الأتوبيس والعربات ربما لأنها محط تجار الجملة من الشمال والجنوب لشراء البضائع، يأسرك مشهد النساء وهي تخرج من هناك أفواجا أفواج محملين بما لذ وطاب وكأنهم خارجين تواً من الجنة، فعلا ً النساء عشاق الأسواق في كل حدب وصوب...الحمد لله أني لم أصطحب معي أحداً من أهلي لكي لا أعلق هناك لشهور طوال..... أكيد هو نوع من العشق الفطري الكامن في عقولهن وقلوبهن على السواء!!

صور المسجد على بك الكبير..... من الداخل

وكذلك موضع لترميمات الحمامات والميضه

--------------------------------------------------------------
البوابة الرئيسية للمسجد

---------------------------------------------------------------

وفتحة جانبية لأعمال الترميم على الجهة الأخرى

مسجد العارف وميدان العارف

سوهاج..!!؟

منحني القدر فرصة لزيارة تلك المحافظة .. محافظة في ادغال الصعيد..كانت محاولة للبحث عن الجذور بمعناها الشخصي وجدتني أبحث عنها بمعناها العام...

كان اسبوع فريد من نوعه وما فيه من أحداث سيظل براقا يدفعني لتكرار الزيارة مرة أخرى...

سأكتب تقريرا عن ما شاهدت تباعا انشاء الله بس افضى من اللي انا فيه ..

أخيرا ..عدت لأرض الوطن...

بومباي كما يعرفها الشيخ سيد ؟؟

أجاهد منذ سنين في البحث عن مكان مناسب أقضي فيه صلاة الجمعة ممكن في رحلة البحث دي ذرت 200 - 300 مسجد على أمل اني أجد خطيبا ما يمكن ان ينجح في تغيير الصورة التي علقت بذهني عن أغلب الأزهريين أو حتى الدرعميين ... وفي رحلتي دي شفت الاخوان والسلفيين والوطنيين والجبنه والعملاء والضباط والجهلاء وما أكثرهم وكل واحد منهم حكايه لوحده ينفع يتعمل عليه فيلم و ناوي أحكي عليهم كل متيجي سيرة انشاء الله.

اليومين دول متابع شيخ سلفي قليل التعصب نوعا ما...

اسمه الشيخ سيد ... ده معجزه ، اللي مخللين متابعه انه على كل اللي فيه لكن بيفلح من حين لآخر انه يحرك بعض الماء الراكد عندي وبيضيف لي بعض المعلومات اللي مكنتش اعرفها ...أي نعم من وجهة نظره ، بس كده كده أضاف معلومة وبعدين انا اتأكد منها بعدين

النهارده حكى على مدينه اسمها "بومباي" في ايطاليا....والمعروف انها مدينة كانت في العصر الروماني أحد أعظم المدن الرومانية.

مدينة بومباى وموقعها على البحر الابيض المتوسط بالقرب من موقع مدينة نيبلس الايطالية ،كانت مدينة عامرة أيام حكم الامبراطور الرومانى نيرون هذه المدينة دمرت هى ومدينة أخرى بالقرب منها تسمى هيركولانيوم فى يوم 24 أغسطس 79 ميلادى بعد أن ثار بركان فيزوف . وظلت المدينة فى طى النسيان حتى 1679 عندما اكتشفت آثار مدينة بومباى وعثر على مناطق بها جثث متحجرة حيث حل الغبار البركانى الذى يمكن أن نعتبره إسمنت طبيعى محل الخلايا الحية الرطبة وشكل أشكال البشر والحيوانات عندما قضى عليها الموت متأثرة بالهواء الكبريتى السام. كان بالمدينة البالغ عدد سكانها 200,000 نسمة الكثير من الاثرياء يعيشون عيشة رغدة فرحين بما لديهم ، فكان بالمدينة شبكة مياه داخل البيوت وحمامات عامة وشوارع مرصوفة بالحجارة وكان بها ميناء بحرى متطور وكان بها مسارح وأسواق وأظهرت آثارهم إهتمامهم بالفنون والنقوش . وكان مجتمعهم مجتمع رومانى تقليدى بكل طبقاته بما فيهم العبيد .قبل دمار المدينة أهمل السكان العلامات الدالة على قرب الانفجار فلم يعبأوا بالهزات الخفيفة وكذلك القوية ولا ببعض السحب البيضاء التى تتكون فوق فوهة البركان .ولم يتعظ السكان من الزلزال الذى خرب مدينتهم قبل ذلك ب 17 سنة ولم يستجيبوا لدعاء الامبراطور الرومانى نيرون لهم بترك المدينة ولعل ذلك يرجع الى أنهم رأوا من ذلك البركان خيرا كثيرا . فالتربة الغنية بالمعادن التى جعلت زراعتهم مثمرة مصدرها ذلك البركان ومياه الامطار التى كانت ترويهم وتسقى زروعهم كانت بسبب وجود ذلك الجبل البركانى كانت هناك عدة علامات على ثوران البركان ولكن السكان تجاهلوها فقبل الانفجار بأيام حدثت عدة هزات أرضية جفت بعدها الآبار وتوقفت العيون المائية وصارت الكلاب تنبح نباحا حزينا فيما صمتت الطيور حتى أتاهم حتفهم ضحى وهم منشغلون بالتجارة واللهو فعند منتصف النهار من يوم 24-8-79 سمع السكان تلك الضجة الكبيرة وإنفلقت الصخور واللهب والدخان والرماد والغبار والاتربة فى عمود متجهة صوب السماء لتسقط بعدها بنصف ساعة على رؤوس السكان .

تمكن بعض منهم من النجاة هربا الى الميناء إختبأ آخرون فى المنازل والمبانى فتحولوا بعدها الى جثث متحجرة عثر منها على حوالى 2,000 جثة . وكثير منهم سحق تحت الصخور المتساقطة التى أسقطت أسقف المبانى . وبعدها بساعات وصلت الحمم الملتهبة الزاحفة على الارض الى المدينة فأنهت كل أشكال ومظاهر الحياة فيها. ودفنت المدينة تحت ثلاثة أمتار من الحمم والاتربة والغبار . هكذا رآها الناجون عندما عادوا إليها.

والشيخ سيد بيضيف ان البركان ده نوع من العقاب الرباني لتلك المدينة التي كانت تشتهر بالزنى واللواط والخمر

لذا وعشان كده الحفريات كانت كثير منها عاريه في الطرقات وبعضها وجد للرجال على هيئة اللواط وأن الطرقات كان فيها تماثيل على هيئة أعضاء ذكرية .انا اللي عرفته مؤخرا من زميل متابع للأدب الانجليزي وبيدرسه أنه فعلا في العصور ديه كان اللواط منتشر بشكل ما وده اللي بيفسر الإهتمام في معظم التماثيل الرومانية بتصور الأعضاء الذكرية.

دمتم خزايا ومحزونين

صدام أول العنقود...! والله أعلم مين اللي بعده!!!؟؟

يمكن انا مبحبهوش ومش ميت في دباديبه بس قتله بالطريقة المهينه دي معره لينا أكتر ما احنا متهانين.
شكله وهو متساق ذي البهيمة بكل ما تعنية الكلمة من معنى, وفي وقت يلائم المعنى ده مخصوص تصفية حساب شخصية معاه ومع المسلمين ككل" مش لأنه رمز لا سمح الله " ولكنه عامل ذي المثل اللي بيبقول اضرب المربوط يختشي السايب؟

انا كان نفسي يتشال كل المجرمين العرب واللي لسه ماسكين بإديهم وسنانهم في الكراسي - داهيه تاخدهم...يارب - بس ياريت متكونش النهايه كده !!مش شفقة لكن اعزاز لقدرنا احنا .م

بالطبع انا مش مع الدعوي اللي بتقول الإصلاح من جوه ولا من بره ؟ كنوع من التشكيك والتعطيل , بس أكيد مش احنا نضحي بعزتنا وهم يضحوا بحكامنا" " خسرانه خسرانه؟؟!!

واللي عمله القذافي على شجاعته - من ناحية المظهر يعني- لكنه مش حرقه على صدام ولكن على كرامتنا المهدرة، ربما الكلام ميعجبش البعض ويقوللك ان صدام ميستحقش رحمة ..صحيح .. بس احنا نحافظ على حبة الدم اللي باقية في وجهنا!!

المهم في الاول والآخر مسلم و حسابه دلوقتي عند ربه!! هو اسرف على نفسه وقتل كتييييير وفي الآخر هو بين ايدين اللي خلقه؟؟

كانت بتقولي ممرضه عندي وهي محروق وببتفرج على صدام" حسبي الله ونعم الوكيل فيهم" قلتلها ..." حسبي الله ونعم الوكيل فينا"!!! م

-------------------------------------------------------------------

المغرب كما عهدناها " نغمة نشاذ"!!

انا مشفتش في حياتي اختلاف بالشكل اللي احنا فيه ده ، كأننا بنقول شكل للبيع ، مش عارف بنعاند مين ولمصلحة مين؟؟
(SEX)"لتاني مرة تيجي المغرب بقيادة سلطانها المغبر " محمد الـــ

بالإحتفال بالعيد منفرداً عن سائر الأمة الإسلامية والمقصد السعودية.. طبيعي ان السعودية هي اللي تحدد الحج والعيد الكبير على اساس ان الكعبة على أرضها أما الحاصل ده يبقى استهبال, ونوع من القنعرة الكدابة ومحاولة غبية للاستقلال، وبعد كده لو شايفين نفسهم قوي كده ياريت يبنولهم كعبة ويحجولها ونخلص.
مش عارف على أية ولا لمصلحة مين؟ يعني ميكفيناش الهيصة اللي بيعملوهالنا كل عيد فطر ده يفطر وده ميفطرش وده يصوم معانا وده يفارقنا....ومش عارف امتى حيرحمنا ربنا من القرف ده

اعتراف

قالت يوما دمعة

أيقظني ذاك الباكي ورماني كي أطفأ غله

إذ لاحت مني النظرات

أطفالاً تطلق من فرط الجوع صياحاً

ونباحاً لكلاب ٍ تتصارع حرة

ونساءاً بسوا د

يلفح وجه النار فيهن سهام...

تساءل عمن يقتل صاحبها؟

ولمذا تسبى غيلة ؟

ولمذا يصبح محبسها

.. لمن يقتله سبيلاً ؟

شهقت شهقة ..

صاح الباكي

قال : كفاك

...انت اليوم ضيف بلادي..

زفرت زفرة

التف العسكر حول الدار

صاحوا في طلب الدمع

.... أن يخرج مرفوع الأذراع

سألوا عمن منذ قليل زفرت

إذا أن الحاجب يستدعيها

كي يسأل عن سر زيارتها

ولمذا تعلو الزفرة من فيها

يرفع الله العلم بقبض العلماء

أخر مصيبة بلانا الله بها

وفاة مفتي العصر بلا منازع الشيخ عطية صقر....

الله يرحمنا ويرحمة

دايما افتكر ..حديث الرسول علية أفضل الصلاة والسلام....

يرفع الله العلم بقبض العلماء.....

إعلانات مؤنسة

مش أكتر حاجة بتجنني اني أفتح الإميل ولاقي رسايل اعلانات.....

استنى شوية أنا مبكرهش الاعلانات ، بس اللي بكرهه ان كل الرسايل بتاعتهم تيجي باسماء بنات لأن ده منتهى التحرش الجنسي ونوع من التفكير الرخيص

عشان كده انا رديت على أحد هذه الرسايل بموشح وفهمته انه كده بيشتمني

تخيلوا كان رده أيه؟؟

طبعاً رد هاديء ومحترم..

إذا كنت ترغب في التوقف عن استلام إعلاناتنا يمكنك ارسال رد على هذا الإيميل وسيتم حذف اسمك من قائمة خدماتنا ... شكراً

نفسي الكل يرد على الرسايل دي بنفس الطريقة عشان يبطلوا يفكروا ب..... " على رأي واحده زميلتنا".م

انا النهارده كنت معدي وشوفت بلوج " مذكرات مريض نفسي" وعجبتني جداً فيه قصة قصيرة أو هو قد يسميها اعترافات أو أيا ماتكن اسمها " كراسة طفل" أنصح بقراءتها وخاصة مع الخلفية الموسيقية

nicos 2

عشان تعيش نفس تجربتي ... خالد حسسني انه عاش فعلا الحكاية دي مش عارف

بس الموسيقى هنا موفقة للغاية

بث في شجون كتيره كنت محتاجها...

recommended اللنك ده للي يحب يشوفها على فكرة دي

http://abdallah-saikoman.blogspot.com/

هموت من الغيظ

ده أقول عليه أيه ياربي
لما شفت البوست ده مقدرتش أمنع نفسي من الغيظ و الوكسه الي عيشين و شكلنا هنموت فيها

ده نص بوست لقيته على الشبكه " المشكله أنه من واحد مش مع الحكومة أصلاً :

نقول ونحكى من تانى مش عارف حاسس ان الحكومه شامه نفسها على الناس حبتينيمكن علشان طلعت السادات اتاخد فى قصه كده اى كلام واصل القصه فى عز بتاع الحديديمكن علشان عبد الكريميمكن علشان ملاحظ عمليات الاعتقالات والتحليق واختفاء المظاهرات النسبييمكن علشان الهجوم المكثف من خلال النت على المدوناتمش عارفلكن هو شعور بهجوم شديد من الحكومه على كل من اتكلم عنها وقت ما كانت ما تقدرش تعمل حاجهطبعا الحكومه شويه ليها حق فاللى بيتعمل فيها بيضعفها يوم ورا يومواحساس المواطن ان البلد بقت زي الغابه مالهاش كبيروامتدت ايدى اللصوص الى قضبان السكك الحديد وكبلات الضغط العالى وكبلات التليفونات المركزيهمما يعزز من احساس المواطن بضعف الحكومهوطبعا ده بيخلى اصحاب النفوس الضعيفه باستغلال الموقف سواء داخل الحكومه نفسها او داخل البلد او خارجهافطبعا الحكومه عايزه تستعيد هيبتها فبقت بقه بتاخد عاطل فى باطل.. علشان ترجع زى الاول لكن المشكله ان الناس فهمت ده انه حلاوه الروحطبعا كلنا بنحب بلدنا وبنخاف عليها ويهمنا ان الحكومه يكون ليها هيبتها لحمايه المواطنين مش العكس وطبعا انا مش مع كتير من المدونين اللى يحبو يلاقو جنازه ويشبعو فيها لطم
وبجد انا ابتديت اخاف على البلد
لان الحكومه لو ما استعادتش هيبتها بذكاء هاتكون فوضى وبجد فيه ناس همج كتير نفسهم اى خرم ابره بس ويعيثو فيه فساديا رب استر

وحقيقة لما اتغظت رديت عليه الرد ده :
هو ده اعتبره أيه بالظبط
يعني مش فاهم يعني ولا .....م
أظاهر إنك شارب حجاجة صفرا
بس ان الشعب الهمجي اللي بيخلع قضبان السكك ده مش من الحكومة اللي قلت هيبتها ده لأن الجوع كسر كل قضبان معدته وبقى داير ياكل أي حاجة في وشه...." مش تقللي هيبه ومعرفش أيه؟؟"
انت أكيد بتهزر
هيبة أيه ولا خيبة أيه جتك وجاتنا مليون وكسه
الحكومه محتاجه أيه تاني تدبح الباقي عشان يعجبك ولا تديها أغتصاب بالجملة وتخليها حملة منظمه على كل البنات بالدور والولاد كمان عشان محدش يبجح بعد كده
اللي عمل كده في الناس الظلم والجوع والمرض والقرف اللي على راسنا كلنا مش الالستين خيبة اللي اسمها "هيبة" ..م
أيه النيلة دي اللي احنا فيها ياربي

حد ياربي لسه بيفكر كده

الحابل بالنابل

هم تلت مواضيع كده على السريع

أولاً : سفير مصر للثقافة وتقريب وجهات النظر العربية المصرية الأمريكية لدى الولايات المتحدة.....منصب عظيم واحد طلعوا على نفسه وقال أنه سعيد بتقديم الدور ده....... يطلع مين....."سعد الصغير" وده طبعاً على هامش فعاليات مؤتمر الرقص الشرقي والغناء الأوبرالي الذي يقيمه النجم السالف ذكره في رحلته الكوكبية التي تنتهي في المريخ لتقريب وجهات نظر أهل الأرض مع " يوفو يوفو يوكافو " في المريخ و - يوفو يوفو يوكافو ..دي للميعرفش ..هي هي العنب العنب العنب بس باللغة اليوفية - وسلملي على الثقافة.م

ثانياً : المفتي الثقافي المصري " الشيخ العلامة فاروق حسني" في آخر كتبه " الهرطقات العنبرية في معرفة الملوخية" أعلن أن الحجاب ردة حضارية وإن كل الشيوخ المنافسين ميطلعوش في زمته بثلاثة مليم.. والنبي دي زمته مطاطه بشكل...

بس انا نفسي أعرف وزير في بلد مسلم بيتكلم ويهرطق طوال سنين واحنا مازلنا سايبينه ليه؟ .. كفايه ياحجه !! أرحمينا ياماما.. ولا أعمل ذي المسرحية وقول " انت ماما وانت بابا .. بس طبعاً مش ذي أنور وجد " م

ثالثا: قصة افتكرتها زمان عن جماعة من الناس كانوا عايشين في هدوء وبعدين كانت بتهجم عليهم الديابه فراحوا جابوا كلاب مستأنسه حولين القرية بتاعتهم تحميهم وفعلا حمتهم بس لما كبرت البلد وكترت الديابة وبقت الناس تتنازل للكلاب دي عن كل حاجة ولو حتى آخر لقمه في البيت عشان تحميهم.... راحت الكلاب اتسعرت لما تأخروا يوم الناس في الأكل أصل الناس فقرت من كتر مسابت كل حاجه للكلاب وبعدين الكلاب بدأت تهاجم الأهالي و البيوت عشان الأكل حتى لو كان للصغار وبعدين اتسلت على الناس نفسهم وبعدين استعبدتهم ولما لقيت أن الديابه ممكن تديهم أكل أو تعرف تلاقيلهم الأكل اللي مخبينهم أهل البلد .. تصوروا توحدت الكلاب بالديابة وبقى كله ديابه وبقت البلد في ادين الديابه أكتر مما كانت علية من غير كلاب..

كل ما افتكر الحكاية دي أفتكر اللي احنا فيه....حد شايف شبه؟؟

في وقت عز فيه الرجال

هو لي دايما وقت الجد يعز الرجال في بلدنا ولما يقعدوا على الدكة وكل واحد يتنفخ ويقول أنا راجل

قدام مراته يلطش فيها وياكل نصيبها في الورث وبعد كده يزقها على أوضة النوم بحجة قال أيه " أنا راجل .."م

ياكل حقا اخته ولا يرضى يلمس حاجه في البيت ويقلها انت ست تكنسي وتمسحي أما انا رب البيت أنا...راجل

أما بقى لما يخدك ضابط الشرطة قلمين في الصبح من غير متفتح بقك بكلمة غير معلش ياباشا .." عز الرجال.."م

لما رئيسك في العمل "يركبك في الشغل" ويظلمك وتسكت وتضحكله عشان أمورك تعدي.؟..يبقى " عز الرجال" م

لما أمك و أبوك وانت نازل الصبح من البيت يقلك نتهلضمش كتير بره ولو قاللك استاذك أو الدكتور بتاعك أو ضابط الشرطة الشمس بتشرق من الغرب قله تمام ياباشا .. يبقى " عز الرجال"م

لما تروح توقف في صف طويل والكل بياخد من حواليك للباشا العقيد والسيد عضو مجلس الشعب ..وانت ساكت... يبقى عز الرجال.."م

لما تنتهك حرمة البنات على مسمع منك في وسط البلد وكل حته يبقى...." عز الرجال"م

لماتغتصب المسلمات وتنتهك الأعراض على شاشات التلفاز كل يوم يبقى ... " عز الرجال.."م

هو احنا الرجوله دي عندينا أيه على حسب الظروف ولا أيه؟؟

ووسط ده كله الدنيا فين ماشيا..

بتوع الحكومه.....يقولولك أيه...

تبذل مصر جهوداً حثيثه لإستقبال الضحايا..... ههأوأو...ياخي خليكي "حسيسه " واسكتوا

أما السلفيين... فالحيين يقولوا " والله لو ارتفعت للسنيين رايه لرأى الله والعلم ما يفعلون" ... ياترى مستنيين أيه تاني يتعمل عشان الراية دي ترتفع ولا هتسبوا ربنا مستني كتير..." ربنا مش هيسناكم كتير ... هو بيمهل مش هيهملكوا أبداً"م

ولا الأخوان شغالين يجمعوا الناس طوال الحملة الإنتخابية على القدس ولا الحجاب ولا الصلاه ولا الطهاره ..... هيه... وبعدين؟؟ مفيش كلام مرة في المليان من خطب من فضلكوا.....ولا برضه هنتمصمص ونقول ..." عز الرجال" وندعو يارب اخرج لنا رجلا مثل صلاح الدين!! هما مش انتم اللي قلتوا " ان تنصروا الله ينصركم .." ولا برضه دا كلام

اللي حرقني اكتر في التلفزيون جايبن أغاني بقى وطنيه بالهبل عشان اللي حصل ويقلك فيها " هاني شاكر " في طقطوقة ولا مواقف و طرائف هنيدي " مليون صلاح الدين على باب القدس.." فين بس المليون دول؟؟... والله مشايف ربع واحد

وبعدين مفيش غير صلاح الدين .. مش عاوزين صلاح الدين ...؟

هو أيه ..؟؟؟؟....خلاص عقرت النساء أن تلد واحد بس عند دم..مش ميه

فعلا على رأي الفلسطينية اللي كانت بتصرخ ... الله أكبر عليكو..

قرفتونا

مدونات ورقية مطبوعة!!

على فكرة أنا بفكر لو نجمع كل إنتاج المدونات بشكل اسبوعي وتصدر بذلك جريدة أسبوعية أو شهرية مطبوعة

أعتقد ده ممكن يوصل أفكارنا لقطع أكبر ويربطنا بالمجتمع بشكل أكيد أكبر.

ياريت كل واحد مؤيد لرأيي يبلغني....

وممكن نسميها مثلاً.." المدونة" أو مدونات اسبوعية مثلاً....

هل نحن مواطنون..................أم عبيد الثورة؟

مازالت تواجهنا الثورة بوجهها القبيح...
تلك الفترة التي في أعراف الدنيا ،هي فترة تحول، يشوبها الكثير من العصف المؤقت في أثناء الانقلاب السياسي والثقافي والمجتمعي التابع له!!! ثم تهدأ الدنيا ويتحول المجتمع لنظام المؤسسات .
لكن على عكس أعراف الدنيا تستمر الثورة لدينا لأكثر من خمسينا عاماً وتقول هل من مزيد!! إن المرء ليحق له أن يسأل على من قامت الثورة فعلاً ولصالح من؟!!
مازلنا حتى الآن نحكم بالأحكام العرفية !
مازالت كافة الهيئات تركة خاصة للمسئولين العسكريين!!
مازالت الدنيا تدور في فلكهم الخاص وحدة!!!
من الآخر " عزبة اللي خلفوهم"!!
.....
..................
من اليوم اللي قريت خبر محاكمة طلعت السادات في محاكمة عسكرية، تمخضت عن حبس سنة " وقال أيه ؟ مع الشغل؟؟!!!" .بقى ياولاد الأيه؟ تشيلوا عنه الحصانه يوم الجمعه؟!! وقال أيه تذاع بدري بدري!
دا عشان نزح زح واحد من كرسي لكرسي لازم موافقة ثلثي أعضاء المجلس وفي جلسة خاصة استثنائية ؟
هو سؤال بريء ، إحنا مواطنين مدنيين أم عبيد الجيش؟

اللي أعرفه في كل مواثيق الكون في حال ، اختلاف أحد المدنيين مع الجيش كأفراد أ كهيئة تتبع الدولة، فأنه من الطبيعي أن يتم التحاكم لدى هيئة حيادية لا تتبع لأي من الطرفين ، بل على العكس هيئة من المفترض أن يتبع لها الجميع لا أن تتبع هي بجلالة قدرها لأي سلطة أو هيئة كانت.
لذا من المفترض أن تتم المحاكمة في إطار محكمة مدنية، يمثل فيها المواطن بهيئة دفاع ، ويمثل الجيش بممثل منه تقوم أساس دفاعه على قوانين الدولة المدنية والتي تنظم علاقة المواطنين بأي من هيئات الدولة على السواء..لا أن تتم في محكمة عسكرية وبقوانين عسكرية خاصة لا تخضع لرقابة وغير قابلة لاستئناف أو مراجعة.
وللميعرفش انه من حق المحاكمة العسكرية أن تصدر أحكاماً من القوة والصرامة تصل إلى الإعدام؟ وما أن ينتهي القاضي"القائد" العسكري من نطق الحكم ، من حق ضابط الإدعاء- أبو دبورة - أن يرديه قتيلاً بالرصاص !! دون مناقشة أو مراجعة أو وازع من أي شيء على الإطلاق! وسلم لي على حقوق الحيوان!!
وده طبعا يوضح الفكرة الراسخة في أمخاخ المسئولين لدينا، إن البلد ماهي إلا وحدة عسكرية ، لها قائد مطاع مولى من السماء قراراته نافذة على الرقاب ولا راد لأمره ولا معقب لحكمه ، لذا فهي مازالت تخضع لأحكام الطوارئ...
كافة بلاد الأرض تتهم الدول التي مازالت لديها محاكم عسكرية ومحاكم أمن دولة بالدول المتخلفة – يعني مش كفاية اللي إحنا فيه أصلاً!!
دول الاتحاد الأوروبي كانت تشترط لمجرد مناقشة ضم تركيا لها أن تقوم بحل تلك المحاكم.
وقد يجدي لو أسمعت حيا ولكن لا حياة لمن تنادي.!

هاجرت إلى ربها فهجرها الناس

الواحد بيشعر دائما بالقرف طول ما هوة عايش في البلد دي......
لي واحد معرفة ربنا كرمه ، واتجوز واحدة أسلمت حديثاً ، الكلام ده من حوالي عشرين سنه أو أكثر قليلاً ، لن أتحدث طبعاً عن كم المعاناة التي عاشاه والانتقالات بحثاً عن الهدوء والبعد عن الملاحقات والمضايقات ، المؤسف حقاٌ ما سمعته مؤخراً ، انه يعاني الأمرين من المشكلات التي تنهال فوق رأسه هو وزوجته ، والمدهش أنها الآن من الجماهير المسلمة التي صفقت كثيراً لإسلام سهير قسطنطين ، واحمرت وجوههم من الغضب حين أعادتها الدولة للكنيسة قسراً لتجنب المشكلة وتتحرق هي بجاز وسخ !! أيه اللي خلاها تأسلم وتوجع دماغهم!!.
هم هم أنفسهم اللي انهالوا على أبناء تلك الأم بالسخرية والتريقة" ياللي خالك بطرس ..هيهيهيهيهييي!!" سماجة طبعاً .
هم هم أنفسهم من فسخوا خطوبتهم ببنتها حين عرفوا بالأمر!!!.
هم هم أنفسهم من سألوا ابنها بمنتهى الصفاقة في امتحان الهيئة للقبول بكلية الشرطة "أنت خالك اسمه أيه ؟؟" بينما يدافع الضابط ابتسامة تحاول أن تجد طريقها إلى فمه!!! وطبعاً سقط لأن خاله أسمه بطرس!!!.
هم هم أنفسهم الذين يمصمصن الشفاه عندما تتحدث تلك التعيسة عن الدين في حضرة المخضرمات في الدين والتي أقسم بالله أن مخ الواحدة منهن أجهل من دابة!! أنه لتجهل الواحدة منهم كيف تتطهر أو تصلي أو حتى تقرأ القرآن....
الواحدة منهن التي لا ملجأ لها إلا العرافات وحبتين الدجل والجهل المدقع الذي يغرقن فيه حتى أذنيهن ويحسبن أنهن على شيء...نفس الأنفس المريضة!!!
ياريت يا خلق خلوا بطرس لبطرس وسيبوا فاطمة لله !!!
حقاً لا كرامة لنبي في قومه ولا تقي في أرضه!!!!!!!!!